ଏକଲାପଣ ଏତେ ବି ଖରାପ ନୁହେଁ

ପ୍ରାୟତଃ ସଭିଏଁ ଡରନ୍ତି ଏକା ହୋଇଯିବାକୁ,

କିନ୍ତୁ ସତ କହିବି ତ, ଏକଲାପଣ ଏତେ ବି ଖରାପ ନୁହେଁ ।

ମାନୁଛି ରାସ୍ତା ସୁଗମ ହେଇଯାଏ,

ଯଦି ସାଥିରେ କେହି ଜଣେ ଥାଏ ପାଦ ସହିତ ପାଦ ମିଳେଇବାକୁ ।

କିନ୍ତୁ ବେଳେ ବେଳେ ଏକା ଏକା ନିଜ ଛୋଟ ଛୋଟ ପାଦରେ ବଡ଼ ବଡ଼ ରାସ୍ତା ପାରି ହେବା ଏତେ ବି ଖରାପ ନୁହେଁ ।

ମାନୁଛି ଫିକା ଚାହା ବି ମିଠା ଲାଗେ ଯଦି ଟେବୁଲ ଆରପାରିରେ କେହି ଜଣେ ଥାଏ,

କିନ୍ତୁ ବେଳେ ବେଳେ କେଫେ ରେ ଏକା ବସି ଚାହା ରୁ ବାହାରୁଥୁବା ଧୁଆଁ ରୁ ନିଜକୁ ଖୋଜିବା ଏତେ ବି ଖରାପ ନୁହେଁ ।

ମାନୁଛି ଗହଳି ଭିତରେ ଚିତ୍କାର କଲେ କେହି ଜାଣିପାରନ୍ତିନି'

କିନ୍ତୁ କେବେ କେଉଁ ଏକ କୋଣରେ ବସି ଅଶ୍ରୁଧାର କୁ ନିଜ ଆଖିରୁ ମୁକ୍ତ କରିଦେବା ଏତେ ବି ଖରାପ ନୁହେଁ ।

ମାନୁଛି କେହି ଜଣେ ମୋତେ ଭଲ ପାଏ, ଏହି ଭାବନା ରେ ବଂଚିବାର ରାହା ମିଳିଯାଏ ।

କିନ୍ତୁ ବେଳେବେଳେ ପୁରା ଦୁନିଆ କୁ ପଛରେ ପକେଇ ନିଜକୁ ନିଜ ସହ ଜାବୁଡି ଧରିବା ଏତେ ବି ଖରାପ ନୁହେଁ ।

ସତ କହିବି ତ ବେଳେ ବେଳେ କେବଳ ଏକଲାପଣ ହିଁ ଦରକାର ନିଜକୁ ବୁଝିବାକୁ, ଅନ୍ୟକୁ ବୁଝେଇବାକୁ ।

ନିଜର ଭଙ୍ଗାରୁଜା ଅସ୍ତିତ୍ୱ କୁ ନେଇ ଚିତ୍ର ଟିଏ ଆଙ୍କିବାକୁ

ଏହା ଦେଖିବାକୁ କି ଯେବେ ସୂର୍ଯ୍ୟ କିରଣ ନିଜକୁ ରଙ୍ଗୀନ କରିବ ତେବେ ତୁମେ ବହୁତ ସୁନ୍ଦର ଲାଗିବ ।

ଏହା ବୁଝିବାକୁ କି ଯେତେ ଲୋକ ତୁମ ସାଥିରେ ଚାଲନ୍ତୁ ନା କାହିଁକି,

କିଛି ରାସ୍ତା ତୁମକୁ ଏକାହିଁ ସ୍ଥିର କରିବାକୁ ପଡେ ।

ଏକଲାପଣ ସେତିକି ସୁନ୍ଦର ଯେତିକି କାହାର ସାଥୀ ହେବା

ସେତିକି ଉଜ୍ଜଳ ଯେମିତି ମନ୍ଦିର ରେ ଏକା ଜଳୁଥିବା ଦୀପ

ସେତିକି ଆରାମ ଦେବା ଭଳି ଯେତିକି ମାଆ ର ପଣତ

ସତ କହିବି ତ ଏତେ ବି ଖରାପ ନୁହେଁ ବେଳେ ବେଳେ ଏକଲା ରହିଯିବାରେ ।