ଦଶହରାରେ ରାବଣପୋଡି

ରାମ ରାଇଜରେ ରାବଣର ଭିଡ଼

ଯେତେ ପାରୁଅଛ ପୋଡ଼

ପୋଡି ପୋଡି ତମେ ଥକିଯିବ ସିନା

ସରିବନି ଲଙ୍କାଗଡ଼ ।

ରଖିଥା ହନୁ ଲାଙ୍ଗୁଡ଼

ସବୁଦିନ ଏଠି ରାବଣପୋଡି ଯେ,

ଦଶହରା କଥା ଛାଡ଼ ।

ଏଠି ରାବଣ ପୋଡୁଛି ରାବଣକୁ ପରା

ଛଦ୍ମେ ରାମ ମୁଖା ପିନ୍ଧି

ନିଜେ ତ ଜଳୁଛି ,ଅନ୍ୟକୁ ଜାଳୁଛି

ହିଂସା ରୂପୀ ନିଆଁ ଫିଙ୍ଗି।

ନିଶାକାରବାର, ଦରଦାମ ବୃଦ୍ଧି,ଲୁଟ,ହତ୍ୟା,ରାଜନୀତି

ବେକାରୀ ସମସ୍ୟା,ଯୌତୁକ

ନିର୍ଯ୍ୟାତନା,କ୍ଷୁଧା ସହ ଦୁର୍ନୀତି।

ରାବଣ ର ଏହି ଦଶ ଗୋଟି ମୁଣ୍ଡ

ନିଇତି ଆମକୁ ଗ୍ରାସୁଛି

ଯେତେ ପୋଡ଼ିଦେଲେ ଆହୁରି ଜଳୁଛି

ବିକଟାଳ ହସେ ହସୁଛି।

ଆମ ରାଇଜରୁ ଏଇ ଦଶମୁଣ୍ଡ

ହୋଇବ ଯେବେ ବିନାଶ

ସେଇଦିନ ହେବ ସତ ରାମରାଜ୍ୟ

ରାବଣ ହୋଇବ ଧ୍ୱଂସ।