ଶୀତ ଉତ୍ସବ
ଶୀତ ଉତ୍ସବ
ଆସନ୍ତେ ପଉଷ ଶୀତର ପରଶ
ଛୁଇଁ ଯାଏ ତନୁ ମନ
ଉଷୁମୁ ସବିତା ଶିଶିର ମୁକୁତା
କ୍ଷେତରେ ପାଚିଲା ଧାନ ।
କିଏ ଖୋଜୁ ଥାଏ ବୁଗୁଚା ଭିତରୁ
ସାଇତା ଶୀତ ବସନ
ଆଉ କିଏ ବୁଲେ ଦୋକାନ ଦୋକାନ
କିଣି ବାକୁ ପୁରା ନୂତନ ।
କିଏ ରୁଚି ରଖେ ଭ୍ରମଣରେ ବେଶି
କିଏ ଖୋଜେ ବଣ ଭୋଜି
କିଏ ଖାଏ କରି ପିଠା ପଣା ଖିରି
କିଏ ଆଣେ ମୁଆଁ ଖୋଜି ।
କିଏ ଉଡ଼ଉଚି କାଗଜ ର ଗୁଡ଼ି
କିଏ ସେକି ହୁଏ ଧୁନିରେ
କିଏ ଖୁସି ହୁଏ ଯାନି ଯାତରା ରେ
କେ ବୁଲେ ମକର ମୁନୀରେ ।
ଘରେ ଘରେ ହୁଏ ବକୁଳ ଅମିଶା
ବଉଳ ଗୁଡ଼ିର ପିଠାରେ
କିଏ ପାଳୁ ଥାଏ ବଡ଼ଦିନ ପର୍ବ
ନୂଆ ବର୍ଷ ନୂଆ ମିଠାରେ ।
କିଏ ଖୋଜୁ ଥାଏ ଚନ୍ଦ୍ରଭାଗା କୂଳ
ବୁଡ଼ ପକେଇବ ବିଧିରେ
ଆଉ କିଏ ଖୋଜେ ଅଘିରା ଜାଳିବ
ଅଲେଖ ମହିମା ଗାଦିରେ ।
ଭୋଜି ଭାତେ ସରେ ଶୀତର ଉତ୍ସବ
ନଗର କୀର୍ତ୍ତନ ସାଥିରେ
ସବୁଠୁ ନିଆରା ବାହାଘର ମଜା
ହାଡ଼ ଭଙ୍ଗା ଶୀତ ରାତିରେ ।