ଏକାନ୍ତ ବାସ

ଏକାନ୍ତ ବାସରେ ସାଇତା ପ୍ରେମଟା ଆଉଟୁପାଉଟୁ ହେଉଥିଲା

ସରମ ଛାଡିକି ମଝିଆଣି ଆସି ମରମ କଥାଟି କହିଗଲା

ଲୋ ବଉଳ

ହିନିମାନୀ ପ୍ରେମ ପରତେ ନଯାଇ ସପନ ସରାଗ ଭାଗିଂ ଦେଲା

କହନି ଏମିତି କାହିଁ ହେଲା

ପାରଉତାର କରିବନି ଆଉ

ଗହ୍ଲେଇ ହସେଇ ଖୋଇବନି ସେ ତ

ସରଗରୁ ଚାନ୍ଦ ନଆଣିକି ସିଏ 

କଣେଇ କି ଯମା ଚାହିଁବନି

କହନି ବଉଳ !

ତା' ଅଭାବରେ କଣ ରହିହେବ?

ମଝି କାନ୍ଥିନି କି ଘୋଡା ଭାବି କଣ ଚଢିହବ?

କେମିତି ରହିବ ମୋ ମାନ ମହତ 

ନିଇତି ଦାଣ୍ଡରେ ଗଡୁଥିବ ??

ସତରେ

ତା ବିନା କଣ ବଞ୍ଚିହବ???

ଲୋ ବଉଳ

ନା ଡେଇଁବି ମୁଁ ନଇକି

ନା ବେକରେ ରସିଦେବି

ଡହଳ ବିକଳେ ମରିଯିବି ସିନା 

ବାଟଚାହିଁ ବସି ଭାବୁଥିବି ନିତି

ଏକାନ୍ତ ବାସରେ ସାଇତା ପ୍ରେମକୁ ଖୋଜୁଥିବି

ଏକାନ୍ତ ବାସରେ ସାଇତା ପ୍ରେମକୁ ଖୋଜୁଥିବି ।