ଏକାକୀ

ମନର ଗୋଟେ ପ୍ରଶ୍ନବାଚୀ

ହୃଦୟ ବ୍ୟଥା କାହାକୁ କହିବି ?

କିଏ ବା ଶୁଣିବା

କାହିଁକି ଶୁଣିବ ?

ସମସ୍ତେ ଏଠି ବ୍ୟତିବ୍ୟସ୍ତ

କିଏ ନ ପିଇଛି ଆଖୁର ତତଲା ଲୁହକୁ

ପୁଣି ଜାବୁଡି ନ ଧରିଛି ଅକୁହା କୋହକୁ

ସମସ୍ତେ ଏଠି ସୁଖର ମୁଖାକୁ ଧାରଣ କରି

କୋହକୁ ଚପେଇ ଦିଅନ୍ତି ହୃଦୟର ନିଭୃତ କଣରେ

ଦୁନିଆ ହିଁ ସେଇଆ

ଦୁନିଆ ସୁଖର ପ୍ରତିଦାନ ମାଗେ

ଏଠି ସୁଖର ହାଟ ବସେ

ଦୁଃଖ,ବେଦନା ତ ଦୁର୍ଲଭ

କିଛି ବନ୍ଧୁଙ୍କର ଆଗରେ ବ୍ୟଥା କହିଲେ

କିଛି ମାତ୍ରେ କମ୍ ହୁଏ

ଆଉ ବାକିତକ କମ କରିବା ପାଇଁ

 ଭାଗବତ ପିଣ୍ଡା ବ୍ୟତୀତ ହ୍ବାଟସେପ୍ ଗ୍ରୁପ

ଇଟା,ସିମେଣ୍ଟ ର ଚାରିକାନ୍ଥ ହିଁ ସାହା

ଆଗରୁ ନଈ, ନାଳ ,ପୋଖରୀ ତୁଠରେ

ସୁଖ ଦୁଃଖର ଆଦାନ ପ୍ରଦାନ ହେଉଥିଲା।

କିନ୍ତୁ ଆଜିତ ସୁଇଚ ଟିପିଲେ ପାଣି ବର୍ଷା

ସେଥିପାଇଁ ବୋଧେ ଲୋକେ

ଆଜି ସବୁକିଛି ଥାଇ ବି ଏକା ଏକା ।