ଏକା ଏକା ଲାଗେ ଆଜି

ଏକା ଏକା ଲାଗେ ଆଜି

ତୁମବିନା ସାଥି

କେମିତି କହିବି ତୁମ ବିନା ମୁଁ ଯେ

ଏକା କାଟିଦିଏ ରାତି

 

ଇଚ୍ଛା ହୁଏ ଥରେଥରେ

ଯାଆନ୍ତି ମୁଁ ଉଡି

ତେର ନଈ ସାତ ଦରିଆକୁ ଡେଇଁ

କାଟି ପାଦର ବେଡି

ମନେମନେ ଛବି ଆଂକେ

ତୁମ ମୁହଁ ଭାବି

କେତେ ହୁଏ କଥା ସେ ଛବି ଆଗରେ

ପାଲଟି ଯାଇ ମୁଁ କବି

ଧିରେଧିରେ ଆଖି ଦୁଇ

ହୋଇଯାଏ ଓଦା

ତୁମ ସ୍ମୃତି ନା ସେ ମୋ ଭଲ ପାଇବା

ଯାହାର ପାଏ ମୁଁ ସଜା

ନିତି ନିତି ଆସ ତୁମେ

ସାଜି ମୋ ନାୟିକା

ସପନେ ଆସୁଛ ପୁଣି ଠକି ଦେଇ

ଚାଲିଯାଅ କରି ଏକା

ଏକା ଏକା ଲାଗେ ଆଜି

ଦୁନିଆଁ ଭିଡରେ

ସବୁ ଥାଇପାଖେ ଦୂରେ କାହିଁ ଲାଗେ

ମନ ଖୋଜେ ଓ ସାଥିରେ

ଏକା ଏକା ଲାଗେ ଆଜି... ... ...ଏକା କାଟିଦିଏ ରାତି