ଏଇତ ଜୀବନ

ଭାଗ୍ୟ ତ ଖେଳୁଛି     ଲୁଚକାଳି ଖେଳ

     ସମୟକୁ କରି ସାଥୀ ,

କର୍ମ କରିଚ଼ାଲ      ନିସ୍ବାର୍ଥ ମନରେ

     ଦୁ଼ଃଖ ର ଘଟ଼ିବ ଇତି ।। (୧)

ସ୍ଵାର୍ଥପର ଏଇ      ଦୁନିଁଆ ଭିତରେ

    ମଣିଷ ପଣିଆ ଲୋଡ଼ା ,

ପେଟ଼ର ଭୋକକୁ     ଚ଼ିହ୍ନିବା ଲୋକଟି

     ମଣିଷ ଭିତରେ ଗଢ଼ା ।। (୨)

ମାଟିର ଶରୀର     ମାଟିରେ ମିଶିବ

    ମିଛେ କର ଅଭିମାନ ,

ସୁ-କର୍ମ ବଳରେ     ବଳିଆନ ହେବ

    କୁ-କର୍ମେ ହୋଇବ ଲୀନ ।। (୩)

ଛାଡ଼ି ଇର୍ଷା ଭାବ    କାମନା ଲାଳସା

    ବଦଳାଇ ନିଜ ମତି ,

ଦେଇ ସ୍ନେହ ଶ୍ରଦ୍ଧା    ଢ଼ାଳ ପ୍ରେମ ବର୍ଷା

     ନିଶ୍ଚୟ ଲଭିବ ଶାନ୍ତି ।। (୪)

ମାନବ ଜୀବନ    ଦୁଃର୍ଲଭ ଜୀବନ

    କରନାହିଁ ଅପଚ଼ୟ ,

ଦୁଃଖୀର ଦୁ୍ଃଖରେ    ସୁଖ ଭରିଦିଅ

    ସଂସାରେ ହୋଇବ ଜୟ ।। (୫)