ଏବେ ଭିଜିବାର ବେଳ

କେତେ ଇଚ୍ଛା ଥିଲା ଭିଜିଥାନ୍ତି ସଖୀ

ବରଷାରେ ତୁମ ସହ

ଛାତି ତଳେ ମୋର ବର୍ଷିଗଲ ତୁମେ

ଭିଜିଲାନି ମୋର ଦେହ I

ଝରକା ସେପାଖେ ବରଷା ସହିତ

ଦେଖିଲି ତୁମକୁ ଦିନେ

ବର୍ଷା ସହ ବର୍ଷା ହୋଇଗଲ ତୁମେ

ଭିଜିଲି ମୁଁ ମନେ ମନେ I

ଧିର ପଦ ଚାଳି ଣ୍ରାବଣ ଆସିଲା

ଗାଇଲା ବେସୁରା ଗୀତ

ତୁମ ସ୍ୱର ଭାବି ବରଷା ଆଡକୁ

ବଢାଇ ଦେଲି ମୁଁ ହାତ I

ଛୁଇଁ ପାରିଲିନି ତୁମକୁ ଲୋ ସଖୀ

ଶ୍ରାବଣ ଛୁଇଁଲା ମୋତେ

ତୁମରି ସ୍ୱରରେ ମୋ କାନେ କହିଲା

ପ୍ରେମର କାହାଣୀ କେତେ I

ତୁମେ ଯେଉଁପରି ଚଗଲି ଲୋ ସଖୀ

ଶ୍ରାବଣ ବି ଉଣା ନୁହଁ

ଡାକିଦେଲେ ମୋତେ ଶ୍ରାବଣ ନୁହେଁ ଲୋ

ଦିଶିଯାଏ ତୁମ ମୁହଁ I

ଶ୍ରାବଣ ନୁହେଁ ଲୋ ତୁମେ ଭିଜାଇଲ

ଲାଜେଇ ଗଲା ମୋ ମନ

ଦେହରେ ଆସିଲା ଖଇଫୁଟା ତାତି

ଶୁଭିଗଲା ବଂଶୀସ୍ୱନ I