ଏ କେଉଁ ଭାବନା ମୋର
ଏ କେଉଁ ଭାବନା ମୋର
ଏ କେଉଁ ଭାବନା ଆଜି ଆସିଯାଏ
ମନ ହୁଏ କାହିଁ ଆନମନା
କେଉଁ ଭାବନାରେ ମନ ହଜିଯାଏ
ନିଜେ ମୁଁ ଜାଣି ପାରେନା ।
ପ୍ରୀତି ପ୍ରଣୟର ମଧୁର ଲଗନ
ନା କେଉଁ ଅବାସ୍ତବ ସପନ
କେଉଁ ସଙ୍ଗୀତର କେଉଁ ବଂଶୀତାନ
ନା କେଉଁ ପ୍ରେମର ଝଙ୍କାର ।
ଏ କେଉଁ ଭାବନାରେ ମନ ହଜିଯାଏ
ଚାହାଣୀରେ କାହିଁ ଭରେ ପୁଲକତା
ମୋ ହୃଦ ସ୍ପନ୍ଦନରେ ଭରିଯାଏ କାହିଁ
ପ୍ରୀତି ପ୍ରଣୟର ମାଦକତା |
ନିରସ ସଙ୍ଗୀତ ଏ କେଉଁ ସୁରର
ନା କେଉଁ ସଙ୍ଗୀତ ମୂର୍ଚ୍ଛନା
ପ୍ରେମର ସେ ଅଢେଇ ଅକ୍ଷର
ନା କେଉଁ କବିର କଳ୍ପନା ।
ଜାଣିପାରେ ନାହିଁ ଭାବନାକୁ ମୋର
ଅଥୟ ଆଜି ମୋ ମନ
କାହିଁ ମନ ଆଜି ଖୋଜେ କାହାକୁ
ବୁଝି ବା ପାରୁନି କାହୁଁ ।
ବୁଝେଇ ଦିଅ ମୋ ମନ ମଣିଷ
ଏ କେଉଁ ଭାବନା ମୋର
ଏ କେଉଁ ସପନ କେଉଁ କଳ୍ପନା
ଆନମନା କରେ ମତେ ପ୍ରତିଟି ଥର !