ଲାଇବ୍ରେରୀ
ପ୍ରୋଫାଇଲ୍
ଦୟାମୟ କରୁଣାକର
ଦୟାମୟ କରୁଣାକର
1 min
160
କରୁଣାମୟ ହେ ଟିକେ କରୁଣା କର
ବିଶ୍ଵ ଦୁଃଖ କଷ୍ଟେ ଭୟେ ଯେ ଥରହର
କରୁଣାମୟ ହେ ଟିକେ କରୁଣା କର।
ପ୍ରତି ପାଦେ ପାଦେ ମାଡିଆସେ ନାନା କଷ୍ଟ
ମଣିଷ ଜୀବନ ଏଠି ହୁଏ ନଷ୍ଟ ଭ୍ରଷ୍ଟ
କରି କରାଉଛ ସବୁ ପ୍ରଭୁ ତୁମ ସୃଷ୍ଟ
ସୁପ୍ରବୃତ୍ତି ହଜେ କୃପ୍ରବୃତ୍ତି କରେ ଘର
କରୁଣାମୟ ହେ ଟିକେ କରୁଣା କର।
ସୁନ୍ଦର ଧରା ସୃଷ୍ଟି ସବୁ ମଧୁମୟ
ଅମୃତ ହରି କେ ବିଷ ଢାଳିଛି ଲାଗେ ଭୟ
ହଜିଛି ସ୍ନେହ ମମତା ବେଢିଛି ମୋହ
ପର ହୁଏ ଆପଣାର ରକ୍ତ ଏଠି ପର।
କରୁଣାମୟ ହେ ଟିକେ କରୁଣା କର।
ଦୟାମୟ ଦୟାବହି କୃପାଦୃଷ୍ଟି ଦିଅ
ମଣିଷ ମନରୁ ମୋହ ମାୟା କାଢିନିଅ
ଷଢ଼ରିପୁ ହରି ଦୟା ଧର୍ମ ଭରିଦିଅ
ମଧୁମୟ ଏ ବିଶ୍ବରେ ମଧୁ ବର୍ଷା କର
କରୁଣାମୟ ହେ ଟିକେ କରୁଣା କର।
