ଦୂରେଇକି କିଆଁ ରୁହ
ଦୂରେଇକି କିଆଁ ରୁହ
ତୁମ ଲାଗି ଯଦି ଗଢା ଏ ଜୀବନ
ଦୂରେଇକି କିଆଁ ରୁହ ,
ମୁଁ ଏଠି ତୁମକୁ ଝୁରି ହେଉଥିଲେ
କେମିତି ପାଇବି କୁହ !
ମୋତେ,ଥରୁଟେ ଉତ୍ତର ଦିଅ ;
ମନ-ପ୍ରାଣ ଦେଇ ଭଲପାଏ ବୋଲି
ପ୍ରମାଣ କି ତା'ର ନିଅ ।(୦)
ଦୂରେଇକି କିଆଁ ରୁହ...
ଅଳପେ ମୁଁ ସିନା ତୁମକୁ ଜାଣିଛି
ତୁମେ ତ ଚିହ୍ନିଛ ମୋତେ ,
ପାରିନ କି ବୁଝି ମୋ ନିଜଠୁ ବଳି
ଭଲପାଏ ମୁହିଁ କେତେ !
ଜାଣି କି ଅଜଣା ହୋଇ ରହୁଅଛ
ମୁହଁ ଖୋଲି ଥରେ କୁହ ।(୧)
ଦୂରେଇକି କିଆଁ ରୁହ ....
ମନ-ପ୍ରାଣ ଦେଇ ଭଲପାଏ ବୋଲି
ପ୍ରମାଣ କି ତା'ର ନିଅ !
ମୋତେ,ଥରୁଟେ ଉତ୍ତର ଦିଅ ।
ଏ କଥାକୁ ମୋର ଗଣ୍ଠିକରି ରଖ
ତୁମକୁ ଦେଉଛି କହି ,
ଯେତେ ଦୂରେଥିଲେ,ଯେତେ ପର କଲେ
କଦାପି ଭୁଲିବି ନାହିଁ !
ହତାଦର ପଛେ କଲେ କରୁଥାଅ
ମୋଡ଼ିଦେଲେ ଦିଅ ମୁହଁ ।(୨)
ଦୂରେଇକି କିଆଁ ରୁହ....
ମନ-ପ୍ରାଣ ଦେଇ ଭଲପାଏ ବୋଲି
ପ୍ରମାଣ କି ତା'ର ନିଅ !
ମୋତେ ଥରୁଟେ ଉତ୍ତର ଦିଅ ।
ତୁମ ଲାଗି ଯଦି ଗଢ଼ା ଏ ଜୀବନ
ଦୂରେଇକି କିଆଁ ରୁହ ,
ମୁଁ ଏଠି ତୁମକୁ ଝୁରି ହେଉଥିଲେ
କେମିତି ପାଇବି କୁହ !!
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।