ଦୁର୍ଗମ ଦୁର୍ଭେଦ୍ୟ

ତ୍ରିଫଳା

ମଣିଷର ମହୌଷଧି

ରୁଗ୍ଣ ପାଇଁ ମହାର୍ଘ ମାଧୁରୀ

ବୁଭୁକ୍ଷୁ ଭାଗ୍ୟରେ ମିଳିବା ବି କଷ୍ଟ

ଈଶ୍ୱର

ତାଙ୍କ ପ୍ରାଥମିକ ଉପହାର

ଖାଦ୍ୟ, ପେଟ ପାଇଁ ଅନ୍ତରଙ୍ଗ ଉତ୍ସ

ସବୁଙ୍କ ଭାଗ୍ୟରେ ମିଳେ କଣ

ସୂତ୍ରଧର

ସେଇ ଅବିକଳ୍ପ

ସେଇ ଏକରେ ଅନେକ,

ଅନେକରେ ଏକ

ସବୁ ଖେଳର ସଫଳ ନିୟନ୍ତା

କିନ୍ତୁ,ମଣିଷର କ୍ଷୁଧା ସମ୍ବରଣ

କ୍ଷୁଧା ସଂକ୍ଷେପଣ

କାହିଁ ସେଇ ଶକ୍ତି

ଶକ୍ତିମାନ,

ସର୍ଵ ଶକ୍ତିମାନ

ତଥାପି ନାଚାର

କ୍ଷୁଧାର ସୀମା ହିଁ ଵିକ୍ଷିପ୍ତ

ଅସୀମ ଅପର୍ଯ୍ୟାପ୍ତ

ଲମ୍ବା ଲମ୍ବା,ଧାଡି ଧାଡି

ରଙ୍ଗ ବେରଙ୍ଗର କ୍ଷୁଧା

ମଣିଷ ତୁ ଧନ୍ୟ

ଦୁର୍ବାର କାମନା ତୋର

ମାପି କି ପାରିବ

ଦେଇକି ପାରିବ ମହୌଷଧି

ଯଦିବା ସେ ଅନନ୍ତ,ଅଭେଦ

ତୋ' କ୍ଷୁଧା ଯେ ଦୁର୍ଗମ,ଦୁର୍ଭେଦ୍ୟ