ଦଶହରା

ଦଶହରା ଆସିଛି:

ଆଲୋକିତ ଅନ୍ଧକାରର ଅନାବୃତ ଅଧ୍ୟାୟରେ

ଅଲିଭା କାଳିରେ ଲିଖିତ ଅକାଟ୍ୟ ଫର୍ଭରେ

ଅନୁରଶିତ ଆବହ ସଙ୍ଗୀତର ଅରୁଣ ଆଭାରେ

ଦଶହରା ଆସିଅଛି:

କୁଢ଼ କୁଢ଼ ଆବର୍ଜନା ଭିତରେ ସ୍ୱଚ୍ଛତାର ଉପହାସରେ

କଦମ୍ବ ବନର କୌମୁଦୀ ସୌରଭରେ କୁରେଇ ଫୁଲରେ

ରୋମାଚିତ ରୋମ୍ୟଥନରେ ଶିହରିତ ସଂବେଗରେ

ଦଶହରା ଆସିଛି:

ଅଛଡା ଅଭ୍ୟାସର ଅପଢ଼ା ପାଠରେ

ବିଲୁପ୍ତପ୍ରାୟ ନୈତିକତାର ନାତିଦୀର୍ଘ ଆଲୁଅରେ

କରୋନା ଅନାକଳିତ ପ୍ରଭାବରେ ମନ୍ଦିର ଅଭିବୃଦ୍ଧିରେ

ଦଶହରା ଆସିଅଛି:

ଅଭିଯୋଗ ପ୍ରକୋଷ୍ଠର ଅପ୍ରାସଙ୍ଗିକତାରେ

ଅସଫଳ, ଆବିର୍ଭୁତ ଉନ୍ନୟନର ପୃଷ୍ଠଭୂମିରେ

ଅସୂର୍ଯ୍ୟପଶ୍ୟ ଅହଲ୍ୟର ଅଭୁଲା ଅଂତଃସ୍ଵରରେ

ଦଶହରା ଆସିବ:

ପ୍ରଗତି ଓ ପରିବର୍ତ୍ତନର ପୃଥକ ଏକ ପରିଭାଷାରେ

ସମତୁଲ ସମାଜ ବ୍ୟବସ୍ଥାର ସାର୍ଥକ ସ୍ମପୁର

ସୃଜନଶୀଳତାର ଭିନ୍ନ ଏକ ଦିଗ୍ୟତରେ ।

ଦଶହରା ଆସିଛି:

ଅପସଂସ୍କୃତିର ଅମା ଅନ୍ଧାରରେ- ନୀତିହୀନତାରେ

ଉଚ୍ଚାଭିଳାଷର ଅବପତନରେ-ନିଚ୍ଛକୁ ବାସ୍ତବତାରେ

ଶତାବ୍ଦୀର ମୋହରଙ୍ଗରେ- ସ୍ନାନି ଓ କାରୁଣ୍ୟରେ ।