ଲାଇବ୍ରେରୀ
ପ୍ରୋଫାଇଲ୍
ଦୃଶ୍ୟାନ୍ତର
ଦୃଶ୍ୟାନ୍ତର
1 min
292
ଆଶାର ଆଲୋକେ ଆଲୋକିତ ଧରା
ଯନ୍ତ୍ରଣାରେ ସିକ୍ତ ମନ
କଣ୍ଟଦେଇ ଚାଲି ଯାଇଛି ବରଷା
ଆକାଶେ ହସୁଛି ଜହ୍ନ
ସୁନା ପଞ୍ଜୁରେ ରୂପାର ଚଢେଇ
କାହିଁକି ହୋଇଛି ବନ୍ଦୀ
ଆକାଶ ଗାଉଛି ପ୍ରୀତିର ସଙ୍ଗୀତ
ତାରା ନାଚେ ପାଦଛନ୍ଦି
ବେଦନା ବିଧୁରା କୁମୁଦିନୀ ଦୁଃଖ
କେମିତି ବୁଝିଲ କିଏ
ଦୂର ଆକାଶରୁ ଜୋଛନା ହାତରେ
ଚନ୍ଦ୍ରମା ବାରତା ଦିଏ
ଗୋଲାପର ଦୁଃଖ ବୁଝେନି ଭ୍ରମର
ଫୁଲରୁ ଫୁଲକୁ ଉଡେ
ମନ ନଈକୂଳେ ଅଥର୍ବ ନାଉରୀ
ଦୀର୍ଘଶ୍ୱାସ ଟିଏ ଛାଡେ
