ଦରବାର

ରାଜ୍ୟର ମଉଡ ରାଜା ଅଧିଶ୍ୱର

କାର୍ଯ୍ୟାଳୟ ଦରବାର

ମନ୍ତ୍ରୀ ପରିଷଦ ବସିକି ବିଚାର

ହୋଇଥାଏ ପ୍ରଜାଙ୍କର ।

ଦରବାର ଟିର ସାଜସଜ୍ଜା ପୁଣି

ମନଲୋଭା ଚିତ୍ର ସବୁ

ନାଲି କାରପେଟ ବିଛାଇ ହୋଇକି

ପଡିଥାଏ ସମ୍ମୁଖକୁ l

ରାଜାଙ୍କ ପୋଷାକ ନାଲିଆ ରଙ୍ଗର

ମୋଟା ମୋଟା ଦାଢ଼ି ନିଶ

ସିଂହାସନ ପରେ ବସିକି ରାଜାଯେ

ଦେଖନ୍ତି ନିଜର ଦେଶ l

ରାଜାଙ୍କ ଚାହାଣି କାଉର ପରିକା

ଚାହାଁନ୍ତି କଣେଇକରି

ଆଖିର ଇସାରେ କଥାତ କୁହନ୍ତି

ରାଜା ଯେ ଷ୍ଟାଇଲକରି l

ରାଜାଙ୍କ ମୁକୁଟ ଅଟଇ ସୁବର୍ଣ୍ଣ

କାରୁକାର୍ଯ୍ୟ ତାରକସି

ମୁକୁଟର ଶୋଭା ହୁଅଇ ବର୍ଦ୍ଧିତ

ରାଜାଙ୍କ ମୁଣ୍ଡରେ ବସି l

ସିଂହାସନ ପାର୍ଶ୍ୱେ ରହିଛି ଦୁଇଟି

ପ୍ରତିମ୍ବିବ ସୈନିକର

ହାତେ ଖଡ୍ଗ ଧରି ନିଶ୍ଚଳ ମୁଦ୍ରାରେ

ଶୋଭିତ ଦୁଇ ପାର୍ଶ୍ଵର l

ସିଂହାସନ ପରେ ଖଣ୍ଡାତ ଝୁଲୁଛି

ତେଜ ଚକ ଚକ କରେ

ଢାଲତ ଶୋଭିତ ଯୁଦ୍ଧର ରକ୍ଷକ

ପ୍ରଦର୍ଶିତ ଦରବାରେ ।

ରାଜାଙ୍କ ବେକରେ ମୁକ୍ତାର ମାଳଟି

ସୁବର୍ଣ୍ଣରେ ଝଲସିତ

ରାଜା ପାଇଁ ରାଜ୍ୟ ହୁଅଇ ଉନ୍ନତ

ପ୍ରଜାମାନେ ସୁରକ୍ଷିତ l

ପ୍ରଜା ହେଲେ ଖୁସି ରାଜାଙ୍କର ଖୁସି

ପ୍ରଜାଙ୍କ ମୁଖ୍ୟଯେ ରାଜା

ସ୍ୱେଚ୍ଛାଚାରୀ ରାଜା ରାଜ୍ୟର କଳଙ୍କ

ପାଏନା ସେକେବେ ପୂଜା l

ସତ୍ୟ ଧର୍ମ ନ୍ୟାୟ ରାଜାଙ୍କର ନୀତି

ସଭିଙ୍କ ପାଇଁ ସମାନ

ରାଜା ସମଦୃଷ୍ଟି ସମ୍ପନ୍ନ ହୋଇଲେ

ରାଜ୍ୟ ପାଏ ସନମାନ ll