ଦୋଳl ଲୀଳା ଯାତ

ଫଗୁଣ ମାସରେ ହୁଏ ଦୋଳl ଲୀଳା

ଫଗୁ ଖେଳ ମେଳଣ

ବିମାନେ ବିଜୟ କରି ରାଧା କୃଷ୍ଣ

ଫଗୁ ଖେଳରେ ମଗ୍ନ ।

ରହିଣ ଥାଆନ୍ତି ଭକତ ଗହଣେ

ପଞ୍ଚ ଦୋଳୁ ଆରମ୍ଭ

ହୋଇ ଶେଷ ହୁଏ ଦଶ ଦୋଳରେ ଏ

ଦୋଳ ପୂର୍ଣ୍ଣିମା ଦିନ ।

ବାଜୁ ଥାଏ ବାଜା କୁବୁଜି ଓ ତୂରୀ

ଶଙ୍ଖ ମହୁରୀ ଆଦି

ଖୋଳ କରତାଳ ମୃଦଙ୍ଗ ମାଦଳ

ତାଳେ ତାଳେ ସେ ନାଚି ।

ହଲି ହଲି ଚାଲେ ଏ ଦୋଳ ଵିମାନ

ପଡଇ ହୁଳହୁଳି

ଦେଖିଲେ ଦର୍ଶକ ଭକତ ଙ୍କ ମନ

ଉଠୁ ଥାଏ କୁରୁଳି ।

ଝୁଲି ଝୁଲି ଦୋଳା ଖେଳା ଲୀଳା କରି

ଥାଆନ୍ତି ରାଧା କୃଷ୍ଣ

ଏ ଦୋଳ ଉତ୍ସବ ଦରଶନ କଲେ

 ମିଳେ ଭକ୍ତେ ଅଭୀଷ୍ଟ ।

ଭାରୁଆ କାନ୍ଧରେ ବିମାନ କାନ୍ଧେଇ

ବୁଲୁ ଥାନ୍ତି ଦୋଳରେ

ଚଉ ପାଶେ ବେଢ଼ି ଭକତ ଜନ ଏ

ହରି ବୋଲ ଧ୍ଵନିରେ ।

ରତ ରହି ଥାନ୍ତି ହରେ ରାମ ବୋଲି

ହରେ କୃଷ୍ଣ ହରେରେ

କୃଷ୍ଣ ଲୀଳା ରାସ ଦିଏ ଦିବ୍ୟ ରସ

ଏ ଫଗୁଣ ମାସରେ ।

ହୁଏ ଅନୁଷ୍ଠିତ ନାଚନ୍ତି ଭକତ

ନାଚି ଗାଇ ମଉଜେ

ପାଳନ କରନ୍ତି ଏ ଦୋଳ ଉତ୍ସବ

ମନ ଖୁସିରେ ମଜ୍ଜେ ।

ରାଧା କୃଷ୍ଣଙ୍କର ମନ୍ଦିରରେ ସାଜ

ସଜ୍ଜା ଦୋଳ ଉତ୍ସବ

ଦୋଳl ଲୀଳା ଯାତ ନୃତ୍ୟ ଗୀତ ରାସ 

ରସ ଦର୍ଶନେ ଭକ୍ତ ।

ରତ ରହି ଥାନ୍ତି ଗୀତ ଗାଉ ଥାନ୍ତି

ଆନନ୍ଦେ ଚିର ମତ୍ତ

ଉଚ୍ଛୁଳି ଉଠନ୍ତି ନାଚି ଗଡି ଯାନ୍ତି

ମନ ପ୍ରାଣ ଉଷତ ।