ଲାଇବ୍ରେରୀ
ପ୍ରୋଫାଇଲ୍
ଦିନ ପରେ ଦିନ ବଦଳେ ଯେମିତି
ଦିନ ପରେ ଦିନ ବଦଳେ ଯେମିତି
ବଦଳି ଯାଉଛି ଏବେ ଦିନ ପରେ ଦିନ
କେତେ ଦୁଃଖ ଦେବ ଆଉ କୁହ ଭଗବାନ
ସବୁ ଦୁଃଖ ସହି ସହି ପଥର ସମାନ
ପାଲଟି ଗଲାଣି ଆସି ଏଇ ପ୍ରାଣ ମନ
ଦୁଃଖ ପରେ ଦୁଃଖ ତୁମ ନିଷ୍ଠୁରତା ଗୁଣ ପଣ
ବୁଝିବାକୁ ବାକି ନାହିଁ
କେଉଁ ବିଶ୍ଵାସରେ ଆଉ ଡାକିବି ହେ ନାରାୟଣ
ବଦଳି ଯାଉଛି ଏବେ ଦିନ ପରେ ଦିନ ।।
ଅସହ୍ୟ ୟେ ଦୁଃଖ ଅବା ଯିବ କି ଜୀବନ
ବିବଶେ ଲୋତକାପ୍ଳୁତ ମୋ ଦୁଇ ନୟନ
କାହାଗେ କହିବି ମୋର ଏହି ଦୁଃଖ ମାନ
ସ୍ଵାର୍ଥପର ଦୁନିଆଁ ରେ ସରବେ ସମାନ
ଯେହ୍ନେ ପାଲଟା ବସନ କରିଦେଲ ଭଗବାନ
କାହିଁକି କହିବି ଆଉ
ମୋ ଦୁଃସ୍ଥିତି ଏ ଜୀବନ (ଯେବେ) ଦେଖି ବୁଜିଲ ନୟନ
ବଦଳି ଯାଉଛି ଏବେ ଦିନ ପରେ ଦିନ ।।
ତୁମେ ସର୍ବ ଜ୍ଞାତା ଦାତା ତୁମେ ମହୀୟାନ
ତୁମେ ସର୍ବ ଘଟେ ନାଥ ଜଗତ ଜୀବନ
ପିତା ମାତା ଭାଇ ବନ୍ଧୁ ସ୍ନେହ ତୁମେ ପ୍ରେମ
ତୁମ ନାମ ତେଣୁ ନିତି କରେ ମୁଁ ଭଜନ
ତେବେ ବି କାହିଁକି ହୀନ ମଣିଲ ମୋର ଜୀବନ
ତଥାପି ଗଲି ଶରଣ ତବ ପଙ୍କଜ ଚରଣ
ବଦଳି ଯାଉଛି ଏବେ ଦିନ ପରେ ଦିନ ।।
ସତେ ଯେବେ ତୁମପ୍ରତି ଥିବ ମୋର ମନ
ସେ ଦାୟରେ ତୁମେ ମୋର ଅଟ ପ୍ରାଣ ଧନ
କେବେ ଦିବ୍ୟ ଦୃଷ୍ଟି ପାତେ ଏ ଦୀନ ଜୀବନ
କେବେ ଆଉ ମହାବାହୁ କରିବ ପାବନ
ଅପେକ୍ଷା କରିଛି ମମ ହୃଦୟ ପ୍ରାଣ ପବନ
ଦେଖାଇ ହେ ମୁକ୍ତି ପଥ ପଦେ ଦିଅ ହେ ଶରଣ
ବଦଳି ଯାଉଛି ଏବେ ଦିନ ପରେ ଦିନ ।।
