ଦୀପାଳୀର ମାଟି ଦୀପ ମୁଇଁ ଟି
ଦୀପାଳୀର ମାଟି ଦୀପ ମୁଇଁ ଟି
ମୁଠାଏ ଚିକ୍କଣ ଚକଟା ମାଟି
ନାହିଁ ରଙ୍ଗଝୁଲ କଂସା ପିତ୍ତଳ ପୁଟ୍ଟି
ସାଧା ସିଧା ମୁଇଁ ସଳଖ ଗଢଣ
କୁମ୍ଭକାର ଗଢେ ମୋ ଦିହଟି ।1।
ଚକଟି ଚକଟି ମୋ ତନୁ ଗଢେ
ନରମ ନରମ ମାଟି ପିଣ୍ଡୁଳେ
ଭାଟିନିଆଁ ଦେଇ ପୋଡେ କଞ୍ଚା ଦିହ
ଦୀପାଳୀର ମାଟିଦୀପ ମୁଇଁ ଟି।2
ମଙ୍ଗଳ ଆଳତୀ ଦେଵ ଅର୍ଚ୍ଚନା
ବନ୍ଦାପନା ଥାଳୀ ଶୁଭକାମନା
ପୂଜା ବେଦୀ ପରେ ନିତି ଜଳୁଥାଏ
ପ୍ରଭୁଙ୍କର ପାଦ ତଳେ ରହିଟି।3।
ବିଭୁଙ୍କର ମୁହିଁ ମହତ ଦାନ
ଜଳିବା ଅଟଇ ମୋହରି ଧର୍ମ
ନିଜେ ଜଳି ଜଳି ତମସା ଘୁଞ୍ଚାଇ
ରଖିଛି ସର୍ବଦା ମୋର ପଣଟି ।4
ମହାଦୀପ ଉଠେ ଶିବ ମନ୍ଦିରେ
ମହାଦୀପ ଦାନ ପୂଣ୍ୟତୀର୍ଥରେ
ଦୀପାବଳୀ ମାଟିପ୍ରଦୀପ ଜ୍ୟୋତିରେ
ପିତୃଲଭେ ସ୍ୱର୍ଗପୁର ରାହାଟି
ଦୀପାଳୀର ମାଟି ଦୀପ ମୁଇଁ ଟି ।5।