ଦୀପାବଳୀ

ଆଲୋକର ପର୍ବ ଦୀପାବଳୀ ଅଟେ

ଦୀପ ବାଣ ସମାହାର

ନୂଆ ବସ୍ତ୍ର ପିନ୍ଧି ଦୀପ ଜଳା ହୁଏ

ପୂର୍ବଜଙ୍କ ମୁକ୍ତିର ll

ଅନ୍ଧାର ଉପରେ ଆଲୋକର ଜୟ

ଦୀପଯେ ସଦୃଶ ମାତ୍ର

ଆନ୍ତରର କଳା ଗୁଣ କୁ ଛାଡିକି

ଆପଣାଏ ସତ୍ୟ ମନ୍ତ୍ର ll

କ୍ଷୁଦ୍ର ଏକ ଦୀପ କରେ ଦୂରୀଭୂତ

ଅନ୍ଧକାର କାଳିମାକୁ

ଜ୍ଞାନର ଦୀପକୁ ପ୍ରଜ୍ଜ୍ୱଳିତ କର

ପାଇଯିବ ସନ୍ତୋଷକୁ ll

ଦୀପ ଅଟେ ଜୟ ବିଜୟ ସଂକେତ

ଦେବଙ୍କ ପାଖରେ ବସେ

ଶୁଭା ଶୁଭ କର୍ମ ଆରମ୍ଭ ସମୟେ

ଘିଅ ଦୀପ ଲାଗିଥାଏ ll

ବିଜୟ ଉତ୍ସବ ପାଳିଲା ଅଯୋଧ୍ୟା

ରାମଚନ୍ଦ୍ର ଲଙ୍କା ଜୟ

ଅଧର୍ମ ଉପରେ ଧର୍ମ ର ବିଜୟ

ବାଜା ବାଣେ ପାଳନୀୟ ll

ପାଇକ ପୁଅର ଖଣ୍ଡାପୂଜା ହୁଏ

ପରିଚୟ ବିରତ୍ୱର

କାଳୀ ପୂଜା କରି ଯୁଦ୍ଧ ବିଦ୍ୟା ଶିଖେ

ପ୍ରଥାସବୁ ଅତୀତର ll

ଏବେ ଦୀପାବଳୀ ବାଣର ପ୍ରସ୍ତୁତି

ପ୍ରତିଯୋଗୀ ଗ୍ରାମେ ଗ୍ରାମେ

ଶବ୍ଦ ଓ ବାୟୁର ପ୍ରଦୂଷିତ କରେ

ପାଳି ଦୀପାବଳୀ ନାମେ ll

ଦୀପ ବାଜା ବାଣେ ପାଳ ଦୀପାବଳୀ 

ପୂର୍ବଜଙ୍କ ଗୁଣଗାନ

ଅଭୁଲା ସ୍ମୃତିର ଅତୀତ ସଂସ୍କୃତି

ମନରେ କର ଗାୟନ ll

ମନର ଦୀପ ରେ ବିବେକର ଘିଅ

ରଖ ଜ୍ଞାନ ର ସଳିତା

ଶୁଦ୍ଧ ପୁତ ମନେ ପ୍ରଜ୍ଜ୍ୱଳନ କର

ଆସିବ ମାନବିକତା ll

ସ୍ୱାର୍ଥ ନିନ୍ଦା ଘୃଣା କର୍ମକୁ ଆହୁତି

ଦୀପାବଳୀ ରେ କରିବା

ସେନହ ମମତା ପ୍ରସାର କରିକି

ଆନନ୍ଦେ ସର୍ବେ ରହିବା ll