ଦୀପାବଳି
ଦୀପାବଳି
ଉତ୍ତରରେ ଲକ୍ଷ୍ମୀ ପୂଜା କାର୍ତ୍ତିକ କୃଷ୍ଣରେ
ମଉଳା ଶ୍ରାଦ୍ଧ ପାଳନ ହୁଏ ଓଡିଶାରେ ।
ସହଜେ ଧରମ ମାସ ସବୁଠୂ ପବିତ୍ର
ସ୍ନାନ ପୁଣ୍ୟ ଦାନ ଧ୍ୟାନ ପାଳୁ ଯତ୍ରତତ୍ର ।
ରାବଣ ବଦ୍ଧ କରି ଶ୍ରୀରାମ ବିଜୟା ଦଶମୀ
ଭ୍ରାତା ପତ୍ନୀ ଧରି ହେଲେ ଅଯୋଧ୍ୟାନୁଗାମୀ ।
ସଂବାଦ ପାଇ ଭରତ ପ୍ରଜା ସହିତରେ
ପାଛୋଟିବା ପାଇଁ ଅଗ୍ରସର ହରଷରେ ।
ଦୀପ ପ୍ରଜ୍ବଳନ କରି ଗ୍ରାମେ ଗ୍ରାମେ ପଥେ
ସ୍ୱାଗତ କଲେ ରାମଙ୍କୁ ଆସୁଥିଲେ ରଥେ ।
ମହିଷାମର୍ଦ୍ଦିନୀଙ୍କର ଉଗ୍ର କାଳୀ ରୂପ
ଶିବ ହିଁ ଶାନ୍ତ କରିବେ କାଳୀପୂଜା ଜପ ।
ପତଙ୍ଗ ପ୍ରବଳ ହୋଇବାରୁ ବାଣ ଜାଳି
ଘରେଘରେ ଜାଳନ୍ତି ଅଗଣିତ ଦୀପାବଳି ।
ବ୍ୟବସାୟ ବୁଦ୍ଧି ଯୋଗୁଁ ହେଲା ସର୍ବନାଶ
ବିଷାକ୍ତ ବାଣ ରୋଷଣୀ ପ୍ରଦୁଷଣ ଦୋଷ ।
ଉଚ୍ଚତମ ନ୍ୟାୟାଳୟ କଲେ ସୁବିଚାର
ବୃଦ୍ଧ ରୋଗୀ ଶିଶୁ ହେବେ ନାହିଁ ହରବର ।
ପାର୍ବଣ ଋତୁ ବଢାଉ ସଦ୍ଭାବ ସଂପ୍ରୀତି
ମାନବୀୟ ସଂବେଦନା ହେଉ ମୂଳ ନୀତି ।
ଅନ୍ଧାରରୁ ଆଲୋକକୁ ପରା ଆମ ଗତି
ଦୀପ ଜାଳି ଆମେ କରୁ ସେକଥାର ପୁ୍ର୍ତ୍ତି ।
ମୃତ୍ୟୁରୁ ଅମୃତ ଗତି ତେବେ ହିଁ ସମ୍ଭବ
ଆପଣା ସଂସ୍କୃତି ଆପେ କରିବାକି ଛେଦ !!
ବଡବଡୁଆଙ୍କୁ ଡାକୁ ଅନ୍ଧାରରେ ଆସ
ଆଲୁଅରେ ଯାଇ ମୋରେ ସମଦୃଷ୍ଟି ବର୍ଷ ।
-ବିଶ୍ଵେଶ୍ୱର ମାଝୀ-