ଦୀପ ଜାଳିବା

ପ୍ରାତଃକାଳରେ କରି ସ୍ନାନ, ତୁଳସୀ ପୂଜନ ପରେ କରୁ 

ଆମେ ଓଡିଆ ସର୍ବ ଦେବା ଦେବୀ ଦରଶନ,  

ଅମାବାସ୍ଯା ତିଥି ଦୀପାବଳୀ ଦିନ, ଦେଇ ଦୀପ ଦାନ, 

ପିତୃ ପୁରୁଷଙ୍କୁ କରୁ ଶ୍ରଦ୍ଧାରେ ସ୍ମରଣ |୧|

  

ଏଇ ତ ଅଟଇ ପୂଣ୍ୟ କାର୍ତ୍ତିକ ମାସର ଅମା ଅନ୍ଧକାର 

ରଜନୀ ଅମାବାସ୍ୟାର ତିଥି

ଶୁଦ୍ଧ ପୂତ ଚିତ୍ତରେ, ମାଟିରେ ପ୍ରଦୀପଟିଏ ଥୋଇବା 

ହେଉଅଛି ଆମରି ରୀତି |୨|

ସର୍ବୋଚ୍ଚତମ ନ୍ୟାୟାଳୟ ଜାରି ଅଛି ନିୟମ, ବାଣ

ଫୁଟେଇବାନି, ବଢୁଅଛି ପ୍ରଦ୍ୟୁଷଣ ,

ଶରଧାାରେ ଦୀପଟିଏ ଜାଳି କରିବା ପାଳନ ଆମ 

ସନାତନୀ ପରମ୍ପରାକୁ ଯାହା ମହାନ |୩|

ବରଷକେ ଥରେ ଆସିଅଛି ପୁଣି ଆଲୋକର ଦୀପା

ବଳି ବଡ ବଡୁଆଙ୍କୁ ଆବାହାନ ପାଇଁ

କାଉଁରିଆ କାଠି ଜାଳି ଧୁମହୀନ ଦୀପ ଜାଳି ପାଳିବା 

ଆମରି ପରବକୁ ଅନ୍ଧାର ଯିବ ଦୁରେଇ |୪|

ହିଂସା ଦ୍ୱେଷ ସ୍ୱାର୍ଥ ଗର୍ବ ଅହଙ୍କାର ରୂପୀ ଅନ୍ଧାରକୁ 

ଦୂର କରାଇବା ଅର୍ଥରେ

ପାଳୁଅଛେ ଦୀପାବଳୀ, ପ୍ରତି ହୃଦୟରେ ଜ୍ଞାନରୂପୀ

ଆଲୋକ ଭରିଦେବା ପାଇଁରେ |୫|

ବଳିତାର ବାସ୍ନାକୁ ଆଘ୍ରାଣ କରିଲେ, ବିଜ୍ଞାନର ମତେ 

ଶରୀର ରୁହଇ ସୁସ୍ଥ

ରଙ୍ଗୋଲି କରିବା ଦୀପ ଜଳାଇବା, ବାରୁଦ ଫୋଟକା 

ଜଳାଇବା ନାହିଁ, ଯାହା ବିପଦ ମୁକ୍ତ |୬|

ଏକତ୍ରିତ ହୋଇ ଖୁସି ମନାଇବା, ପରିବେଶକୁ ଦୂଷିତ 

ନକରିବା ହେଉ ପୃଥିବୀ ଧୁମହୀନ

ସୁସ୍ତ ନିରାମୟ ହୋଇବ ଜୀବନ ଯାପନ ଅଟଇ ସଦା 

ସର୍ବଦା ଅଟଇ ବିପତ୍ତିବିହୀନ |୭|

ଏହି ମହାନ୍ ଦିନଟିର ମାହାତ୍ମ୍ୟ ଅନେକ ଅଟଇ ବିଶ୍ୱ

ର ପ୍ରତ୍ୟେକ ମାନବ ପାଇଁ

ଉଦ୍ଦେଶ୍ୟ ମହତ, ସମସ୍ତଙ୍କ ମନରେ ସୁଖ ଭରିଦେବା 

ଶାନ୍ତି, ପ୍ରୀତି ଆଉ ପ୍ରେମର ଜ୍ଞାନ ଦେଇ |୮|

 ବାରୁଦ ଧୁଆଁରେ ହୁଅଇ ଆଖିଧରା ରୋଗ ଓ ଶ୍ୱାସ 

ରୋଗ, ସେଥିରୁ ନିବୃତ୍ତ ରହିବା,

ମିଠା ପିଠା ଦିଆନିଆ କରି ପର୍ବର ରଚିବା ମହତ୍ତ୍ଵ, 

ଆନନ୍ଦରେ ରଙ୍ଗୋଲି ସଜାଇବା |୯|

ପୁଂଜିବାଦୀ ସମାଜରେ ଖାଇବାକୁ କାହାକୁ ମୁଠେ ମିଳେନା 

କାହାକୁ, ମିଳେନା ପୁଣି ପଇସାଟିଏ

ପୁଂଜିପତି ଲଗାଏ ଟଙ୍କାରେ ନିଆଁ, ବାଣ ସବୁକୁ ଫୁଟାଇ 

ଵଡଲୋକୀର ପରିଚୟ ଦେଇଥାଏ |୧୦|

ଆଶା ଏହି ଦିନକୁ ପାଳନ କରି ଶାନ୍ତିର ଦୀକ୍ଷାରେ 

ସଭିଏଁ ହୋଇବା ନିର୍ମଳ 

ମନରେ ସ୍ନେହ, ଶ୍ରଦ୍ଧା ଓ ପ୍ରେମ ଜାଗରିତ ହେବ, 

ନରହିବ କା'ମନରେ କିଛି ଆବିଳ |୧୧|

ବାଣ ଫୁଟାର କଳନା ନାହିଁ, ସହର ବଜାର ଗାଁ ସଵୁଠି 

ପ୍ରଦୂଷଣ ଧୂଆଁ ମୟହୁଏ ଜଗତ

ଅମ୍ଳଜାନ ବଦଳରେ, ଅଙ୍ଗାରକାମ୍ଳ ବଢଇ ବାୟୁମଣ୍ଡଳ

ରେ ଜୀବନକୁ ଆସେ ବିପଦ |୧୨|