ଦୀନବାନ୍ଧବ ଜଗଦୀଶ୍ବର
ଦୀନବାନ୍ଧବ ଜଗଦୀଶ୍ବର
ପତିତ ଉଦ୍ଧାରି ପତିତପାବନ
ବାନା ଉଡାଅ ଉର୍ଦ୍ଧରେ,
ଦୀନବାନ୍ଧବ ହେ ଜଗଦୀଶ୍ୱର
ତୁମେ ଶ୍ରେଷ୍ଠ ଏ ଧରାରେ।
ଜୀବନ ନଦୀରେ ଉଜାଣି ବହୁଛି
ପାଏ ନାହିଁ ଥଳକୂଳ,
ଆହେ ବିମ୍ବାଧର ନ ରହି ମଉନ
ମନେ ଦିଅ ମୋର ବଳ।
ଚନ୍ଦ୍ର ସୂର୍ଯ୍ୟ ତୁମ ସେ ଦୁଇ ନୟନ
ଦେଖୁଥାଏ ଜଳଜଳ।
ଦୀନଜନ ପାଇଁ ତୁମେ ପ୍ରାଣବନ୍ଧୁ
ଅନ୍ଧାରେ ଆଲୋକ ପଥ,
ବିଷମୟ ସ୍ଥିତି ସମାଧାନ ତୁମେ
ତୁମେ ଅନାଥର ନାଥ,
ପାଦତଳେ ତୁମ କୋଟି ପ୍ରଣିପାତ
ସଜାଡ଼ ଜଗତ ରଥ।
ଆହେ ଜଗତର ନାଥ।