ଦିଗ
ଦିଗ
ଚକମକି ପଥର ଘସି "ନିଆଁ "
ଭସାଡାଙ୍ଗଟେ ଦେଖି " ଡଙ୍ଗା "
ଦୌଡୁଥିବା ହରିଣ
ଆଉ ଠାଣୀରେ ଚାଲୁଥିବା ପକ୍ଷୀଦଳ ,
ଶିକାରୀର ମୁନିଆଁ ଶର ରୁ "ଛବି ଅଙ୍କା"
ବନାଗ୍ନି ଧାସ ରୁ "ବାର୍ବିକ୍ଯୁ "
ମହୁମାଛି ଠୁ "ମହମ"
ଆଉ ସବୁ ପାଖୁଡା ଚିପୁଡି " ପର୍ଫ୍ଯୁମ୍ "
ତିଆରିଲା ପରେ
କଲମ, ମଲମ
ଏଇଟା, ସେଇଟା କୁ ଖଞ୍ଜି " ରୋବଟ "
ଯାଏଁ
ମୁଣ୍ଡର ସବୁ ଗୋଦାମ ଖାଲି ।
ଏବେ ଖାଲି ମୁଣ୍ଡର ଢାବଲ ସହ
ଜୀଉଁଥିବା ଜୀବନ ରେ !
ଥରେ ଭାବେ ତ ଏ ସବୁ ତ ଖୋଜିବା ଆଗରୁ ବି ଥିଲା
ନୂଆ କଣ ?
ସେଇ ହଳଦୀ ଫର୍ଦ୍ଦ ଲେଉଟା ।
ଚାଲ୍ ! ଏବେ ଦେଖିବା
ମନନ ର ଶକ୍ତି
ସ୍ଥିତିପ୍ରଜ୍ଞତାର ଦିଗ
ଶ୍ବେତ ପଦ୍ମ ର ଆଭାରେ
ଉଦ୍ଭାସିତା ମୁକ୍ତି ।
ଆରମ୍ଭ ହ'
ଏ ଜୀବନ
ଗୋଟେ ନୂଆ ଦିଗ ନେଇ ,
ଆବଶ୍ୟ ଖୋଜିଦେଖ
ଏଇ ଦିଗଟି
ଭଲ ଲାଗିପାରେ ତତେ ।