ଦିବ୍ୟାଙ୍ଗଟିଏ ମୁଁ

ହାତଗୋଡ଼ ନାହିଁ କାଳିଆ ରଜାର

ତଥାପି ତୁମେ ତ ପୂଜୁଛ

ଦିବ୍ୟାଙ୍ଗ ବୋଲି ମୁଁ ମଂ ମଧ୍ୟେ ତୁମେ

ଘୃଣାଭାବ କାହିଁ ରଖୁଛ ।

ପରଂବ୍ରହ୍ମ ସେହି ପରମ ଈଶ୍ୱର

ତୁମକୁ ତ ଗଢିଛନ୍ତି

କପଟ କରିଣ ମୋର ଶରୀରରେ

କିଛି କିଛି ତ୍ରୁଟି ରଖିଛନ୍ତି ।

ସମ ଅଧିକାର ସମାଜରେ ମୋର

ଛଳରେ ଡିଣ୍ଡିମ ପିଟୁଛ

ବଢିବାକୁ ମୁହିଁ ଚାହିଁଲେ ଆଗକୁ

ପଛରୁ ମୋ' ଗୋଡ଼ ଟାଣୁଛ ।

ପାଠ ଶାଠ ପଢି ସକ୍ଷମ ହୋଇ ମୁଁ

ନୂଆ ଇତିହାସ ରଚିବି

ହୃଦୟରୁ ମୋତେ ସହଯୋଗ କଲେ

ସୁନାର ଭାରତ ଗଢିବି ।

ଅଣଦେଖା ମୋତେ କରନା ଜମାରୁ

ଦିବ୍ୟାଙ୍ଗଟିଏ ମୁଁ କହୁଛି

ସ୍ନେହଶ୍ରଦ୍ଧା,ପ୍ରୀତି ଊଣା କର ନାହିଁ

ଏହି ନିବେଦନ କରୁଛି ।