ଦିବ୍ୟ ପୁରୁଷ

ଦିବ୍ୟ ସେ ସ୍ୱରୂପ ବାଣୀ ଶକ୍ତ ତୋପ

ମୁଖେ ଥିଲା ପ୍ରସନ୍ନତା

ମହାନ ସାଧକ ଦର୍ଶନ ରକ୍ଷକ

ସାରା ବିଶ୍ୱ ଜଗଜ୍ଜିତା

ହିନ୍ଦୁ ଧରମର ସୂକ୍ଷ୍ମ ତତ୍ତ୍ୱ ସାର

ଅଦ୍ୱିତୀୟ ପ୍ରଚାରକ 

ଜ୍ଞାନରେ ଗଭୀର ଭରି ସୁସଂସ୍କାର

ସେବା ଗୁଣ ଅଧିକ୍ଷକ

ବିଶ୍ୱ ଭ୍ରାତୃତ୍ବର ସୁଉଚ୍ଚ ବିଚାର

ଧରାପୃଷ୍ଠେ ପ୍ରତିଷ୍ଠାତା

ମାନବର ସେବା ମାଧବର ସେବା

ସୁଗୁଣର ସୃଷ୍ଟିକର୍ତ୍ତା

ସତ୍ୟର ପୂଜାରୀ ଆଦର୍ଶର ଗିରି

ଈଶ୍ୱରଙ୍କ ପ୍ରିୟ ଦୂତ

ସାହସୀ ନିର୍ଭୀକ ପ୍ରକୃତି ପ୍ରେମିକ

କୋଣେ କୋଣେ ପରିଚିତ

ମୁଖରୁ ନିଃସୃତ ସଦା ତେଜୋଦୀପ୍ତ

ସ୍ଵଛ ଶୁଦ୍ଧ ମନପ୍ରାଣ

ହେ ଦିବ୍ୟ ପୁରୁଷ ସ୍ମରି ତଵ ଯଶ

କରୁଅଛି ମୁଁ ନମନ