🌺 ଦିବ୍ୟ ବାଣୀ 🌺

 ଜୀବ ଜନ୍ମେ କର୍ମ ଘେନି ଧର୍ମ ନେଇ ଯିବ

 ଲାଭ ପାଏ ଅଧର୍ମ ଯା ଗୁଣେ ଜନ୍ମ ଲାଭ ।।

 ଧନ ରହିଯିବ ଯାହା ଅରଜିଲୁ ଧନ

 ମନ ଭୁଲେ ହରି ବାର୍ତ୍ତା ହରିଲା କୁମନ ।।

 କୁମନ ସୁମନ ମନ ନରକ କୁମନ

 ମାନ ନାଶେ ମାନବର କୁମନର ମାନ ।।

 ସୁମନ ଶରଣେ ସଦା ସହାୟ ସୁମନ

 ସମ ବୃନ୍ଦାବନେ ପ୍ରାଣ ସୁମନରେ ଶମ ।।

 ସୁକର୍ମ କୁକର୍ମେ ଧର୍ମ ଅଟଇ ସୁକର୍ମ

 ଧର୍ମ ଥିଲେ ସହଚର ଛୁଏଁ ନାହିଁ ଧର୍ମ ।।

 ଦିନ କାଟୁ ସ୍ଵାର୍ଥେ ନିତି ନିସ୍ଵାର୍ଥରେ ଦୀନ

 ହୀନ ବୁଦ୍ଧି ଆଚରିଲେ ହେବୁ ଧର୍ମ ହୀନ ।।

ଜୀବ - ଜୀବନ , ଯିବ - ଫେରିବ, 

ଲାଭ - ବଳକା, ଲାଭ - ପାଇବା

ଧନ - ସମ୍ପତ୍ତି, ଧନ - ସମ୍ବୋଧନ ଶବ୍ଦ

ମନ - ମତିଗତି, କୁମନ - ନାକାରତ୍ମକ ମତି

ମାନ - ସମ୍ମାନ, ମାନ - ପ୍ରଭାବ

ସୁମନ - ସକାରାତ୍ମକ ମତି , ସୁମନ - ଈଶ୍ୱର

ସମ - ସମାନ, ଶମ - ମୋକ୍ଷ

ସୁ କର୍ମ - ଭଲ କାମ, କୁ କର୍ମ - ଘୃଣ୍ୟ କାମ

ଦିନ - ଦିବସ, ଦୀନ - ଦରିଦ୍ର

ହୀନ - ଖରାପ, ହୀନ - ଦରିଦ୍ର