ଲାଇବ୍ରେରୀ
ପ୍ରୋଫାଇଲ୍
ଦି ଛକିରେ ଜୀବନ
ଦି ଛକିରେ ଜୀବନ
1 min
247
ଦି ଛକିରେ ଜୀବନ
ଜୀବନର ରଙ୍ଗମଞ୍ଚୋପରେ
ଆମେ ସବୁ କଳାକାର
ନିଖୁଣ ଅଭିନୟ କରି
ଚାଲିଥାଉ ଜୀବନ ଯାତ୍ରାରେ
ନିର୍ଦ୍ଦେଶ କ୍ରମେ ସମୟ ଓ ସ୍ରଷ୍ଟାର ....।
ଜଗତରେ ହସ କାନ୍ଦ ବାଣ୍ଟି
ଢୋକେ ପିଇ ଦଣ୍ଡେ ଜୀଇଁ
ବଞ୍ଚିବାର ନେଇ ଅଧିକାର.....
ଜୀବନର ଦୋଛକିରେ
ଦଣ୍ଡାୟମାନ ହୋଇ
ବନ୍ଦନା କରୁ ହସିହସି କଳାର ...
ତଥାପି,ଥକିନୁ ଆମେ
ପରକୁ ଆପଣାର କରି
ବାଣ୍ଟିଥାଉ ଅଜସ୍ର ପୁହାର ....।
ଏକତା ମନ୍ତ୍ରରେ ଦୀକ୍ଷିତ ହୋଇ
ସମାଜକୁ ବାର୍ତ୍ତାଦେଉ
ବିଶ୍ବଚେତନାର ...
ଭାଗ୍ୟ ଓ କର୍ମ ମଧ୍ୟରେ
ପେଶିହୋଇ ମରିଯାଉ ପଛେ
ଛାପ ଛାଡିଯାଉ କଳାର ...
ହେଉ ମଧୁମୟ ଆମଲକ୍ଷ୍ୟ
ହସିଉଠୁ ଆମହାତେ
ଅପୂର୍ବ ଏ ସୃଷ୍ଟିର ସମ୍ଭାର..
କଳାର ହେଉ ଜୟଜୟକାର
ଧନ୍ୟ କଳାକାର ଆମେ
ଜୀବନର ଦୋଛକିରେ
ଛିଡାହୋଇ,ମରି ବି ଅମର ....।
