ବିଦାୟ ୨୦୧୯

ବିଦାୟ ଦେଉଛି ତୋତେ ରେ ବରଷ

ଦୁଇ ହଜାର ଉଣେଇଶି

ଯାଆ ଚାଲି ଯା' ତୁ ଦୂରକୁ ଦୂରକୁ

ଚାଲି ଯା'ରେ ତୁ ହସି ହସି ।।୧।।

ଆଣିଥିଲୁ କେତେ ନୂଆ ଆଶା ଆଉ

ଭରସା,ସଂକଳ୍ପ ଜୀବନେ

କେତେ ହେଲା ପୂର୍ଣ୍ଣ ଆଉ କେତେ ବାକି

ଅଛି କରିବାକୁ ଏମନେ ।।୨।।

କହୁଛି ତୋତେ ରେ କରିବି ପୂରଣ

ଆଗାମୀ ନୂତନ ବରଷେ

ଦୁଃଖ ତୁ ନକର ନିୟତି ବିଚାର

ଚାଲିଯା 'ତୁ, ମନ ହରଷେ ।।୩।।

ଦେଇଛୁ ତୁ କେତେ ଆନନ୍ଦ ଶରଧା

ସମ୍ମାନ ଆଉ ବା ବିଶ୍ବାସ

ତା ସାଙ୍ଗରେ ମଧ୍ୟ ଦେଇଛୁ ତୁ କିଛି

କରି ଦୁଃଖି ଅଣନିଃଶ୍ବାସ ।।୪।।

କରୁନାହିଁ ତୋତେ ଅଭିଯୋଗ କିଛି

ଭାଗ୍ୟକୁ ଆଦରି ପଡିଛି

ନୂତନ ବର୍ଷକୁ କହିବୁ ତୁ ଯାଇ

ଖୁସି ପସରାକୁ ଚାହିଁଛି ।।୫।।