ଧୂମ ହୀନ ଦୀପାବଳି

ଆଜିର ଆହ୍ଵାନ ଶୁଣ ।

ଧୂମ ହୀନ ଦୀପାବଳିକୁ ପାଳିବା

ନଫୁଟାଇ ଆମେ ବାଣ ॥

ଆଲୋକର ପର୍ବ ଦୀପାବଳି

ଆମେ ପାଳିବା ଉଲ୍ଲାସ ହୋଇ 

ଜାଳିବା ଦୀପାଳି ଧାଡି ଧାଡି କରି

ଅନ୍ଧାର ଯିବ ଉଭେଇ 

ସମୟର ଏ ଆହ୍ବାନ

ବାଣ ନଫୁଟାଇ ପାଳ ଦୀପାବଳି

ହେବନାହିଁ ପ୍ରଦୂଷଣ ॥

ବାୟୁ ପ୍ରଦୂଷଣ ଦେଲାଣି କଷଣ

ନବୁଝନ୍ତି କିଛି କେହି 

ଦିଲ୍ଲୀ ଅଞ୍ଚଳରେ ପ୍ରଦୂଷଣ ମାତ୍ରା

ବଢୁଛି ଅଧିକ ହୋଇ 

ଗୋରୁଙ୍କୁ ନଡା ନଦେଇ

ଖାଦ୍ୟକୁ ତାଙ୍କର ପୋଡିଲେ ବିଲରେ

କହିବାକୁ କେହି ନାହିଁ ॥

ରୋକ୍ ଲଗାଇଲେ ସର୍ବୋଚ୍ଚ କୋର୍ଟ

ନଡାପୋଡି ଦନ୍ଦ କର 

ବିଷାକ୍ତ ବାଣକୁ ନଫୁଟାଇବାକୁ

ଆଦେଶ ହେଲା ତାଙ୍କର

ମାନି ତାଙ୍କର ଆଦେଶ

ଜାଳିବା ଦୀପାଳି ପାଳିବା ଏ ପର୍ବ

ହେବନାହିଁ ସର୍ବନାଶ ॥

ପ୍ରକୃତିର କୋପ ସହିବାକୁ ହେବ

ଆନ ଉପାୟ ତ ନାହିଁ

ଆମ ପରିବେଶ ଆମର ସୁରକ୍ଷା

ବିଗାଡିବା କାହିଁପାଇଁ

ବାଣ ଫୁଟାଇବା ନାହିଁ

ଦୀପାବଳି ଜାଳି ଦୀପଦାନ କରି

ପରବ ପାଳିବା ଭାଇ ॥

ଭାଇଚାରାର ଏ ଆଲୋକ ପରବ

ଆମ ସାରା ଭାରତର

ଆନନ୍ଦେ ପାଳିବା ଦୀପାଳି ଜାଳିବା

ହଟିଯିବ ଅନ୍ଧକାର

ପିତରଙ୍କ ତୁଷ୍ଟି ପାଇଁ

ଦୀପଦାନ ପର୍ବ ହୁଅଇ ପାଳନ

ସଂସ୍କୃତି ଆମର ଏଇ ॥