Library
Profile
ଧନ୍ୟ ତୁମେ ଘରଣୀ
ଧନ୍ୟ ତୁମେ ଘରଣୀ
ସାବିତ୍ରୀ ମନଟା ମଉଳି ଯାଇଛି
ଦେଖି କରୋନାର ଭିଡ଼
ସତ୍ୟବାନକୁ ସେ କେମିତି ପୂଜିବ
ମିଳୁନାହିଁ ଫୁଲ ଫଳ ।
ଦୋକାନରେ ଆଜି ଝୁଲୁଅଛି ତାଲା
ନାହିଁ ଆଉ ଠେଲାପେଲା
କେମିତି କରିବ ମନକୁ ସନ୍ତୁଷ୍ଟ
ନିଇତି ଚାଲିଛି ପାଲା ।
ପସନ୍ଦ ହେଉନି ଅନଲାଇନ ସପିଙ୍ଗ
ବୁଝୁନାହିଁ ତାର ମନ
ମନ ମୁତାବକ ବୁଲିବା ହେବନି
ଆଉ ଆସିବକି ଏହି ଦିନ ।
ଦେଖ ,ଦେଖ ତାର ଉଛୁଳା ପ୍ରମକୁ
ଦେଖ ତା ନାଲି ଅଧର
କେମିତି ଖୋଜୁଛି ଶାଢ଼ୀ ବଦଳରେ
ନାଲି ନେଳି ଚୁଡ଼ିଦାର ।
ସ୍ମିତହାସ୍ୟ କରି କହିଲି ସାବିତ୍ରୀ
କେଉଁଠୁ ଗଡୁଛି ଶ୍ରଦ୍ଧା
କୁହନ୍ତନି ଥରେ ମୁଁ ଉବୁଟୁବୁ ହୋନ୍ତି
ଲାଗୁଅଛି ଭାରି ଥକା ।
ବରଷ ଯାକର ସ୍ନେହ ମମତାକୁ
ଦେଉଅଛ ପାଦେ ଠେଲି
ଆଜି କି ଭକତି ଅଜାଡି ପଡୁଛି
ଖାଇବା ଯାଇଛ ଭୁଲି ।
ସତ୍ୟ ବଚନକୁ ବଖାଣିଲି ବୋଲି
ଧରିଲା ଛିଣ୍ଡା ଛାଞ୍ଚୁଣି
ଚଣ୍ଡୀରୂପ ଧରି ଆସିଲା ମୋ ପାଶେ
ଶୁଣାଇଲା ତା'ର ବାଣୀ ।
ନାମକୁ ମାତର ସତ୍ୟବାନ ଭାବି
ରହିଅଛି ତମ ଘରେ
ତୁମ ପାଇ
ଁ ମନେ ନାହିଁତ ଆଦର
କିଏବା ତମକୁ ଝୁରେ ।
ସୋସିଆଲ ମିଡ଼ିଆ ପାଇଁ ମନ ହୁଏ କଷ୍ଟ
କ୍ୟାମେରା କାନ୍ଦୁଛି ମୋର
ସୁଆଇ ବସାଇ ଦେଉନାହିଁ ମୋତେ
ଦେଖିବାକୁ ମୋ ଶରୀର ।
ସୁନ୍ଦର, ସୁନ୍ଦର ଶାଢ଼ୀ ପିନ୍ଧି ଦେଇ
ଛାଡି ଦେଲେ ଫୋଟ ମୋର
ଲାଇକି କମେଣ୍ଟ ଅଜାଡି ଆସିବ
ଦୁଃଖ ହୋଇଯିବ ଦୂର ।
କ'ଣଟା ବୁଝୁଛ କ'ଣଟା ଜାଣିଛ ତୁମେ
କହୁଛ ଯେ ଏତେ କଥା
ମନର ବେଦନା ବୁଝି ପାରୁ ନାହଁ
ବଢ଼ାଉଛ ମୋର ବ୍ୟଥା ।
ସବୁ ଜାଣିଗଲି ସବୁ ବୁଝିଗଲି
କାହା ପାଇଁ ଏ ନାଟକ
ଲୋକ ଦେଖାଣିଆ ସାବିତ୍ରୀ ବ୍ରତ ଏ
କାହାକୁ କହିବି ଦୁଃଖ ।
ଅଳତା ରଙ୍ଗକୁ ବୋଳି ଦେଈ ମୁଖେ
ଦିଶୁଛୁ ତୁ ଚକମକ
ତୋତେ ଦେଖି କେତେ ଜନ ବୋଲୁଛନ୍ତି
ତୁ କାଳେ ମୋତି ମାଣିକ ।
ଆହା ଆହା ଲୋ ମୋ ଘରଣୀ ସାବିତ୍ରୀ
ଧନ୍ୟ ତୋର ପତିବ୍ରତା
ଧନ୍ୟ ତୋର ନିତି ଧନ୍ୟ ତୋ ଆଦର୍ଶ
ତୋତେ ଗଢିଛି କେଉଁ ଦେବତା l
ସମସ୍ତ ସାବିତ୍ରୀ ଏମିତି ନୁହଁନ୍ତି
ଭୁଲ ଭାବିବେନି ମୋତେ
ମୋ ସାବିତ୍ରୀ ଯାହା ନିତି ଘଟାଉଛି
ମୁଁ ବଖାଣିଅଛି ସତେ ।
