ଧନୁଯାତ୍ରା
ଧନୁଯାତ୍ରା
ଧାଡ଼ି ଧାଡ଼ି ଛିଡ଼ା ମଥୁରା ବାଳି
ମଥୁରା ଦାଣ୍ଡରେ ଶ୍ରୀକୃଷ୍ଣ ହଳୀ l
ଅପୂର୍ଵ ରୂପ ସେ ସର୍ବେ ଉଲ୍ଲାସ
ଚିନ୍ତନ୍ତି କି ଲାଭ ପାଇବ କଂସ l
ମାମୁଁ ହୋଇ ଭଣଜାକୁ ଡାକିଛି
ଧନୁ ଯାତ୍ରା କରି ବଧ ପାଞ୍ଚିଛି l
ଏମନ୍ତେ କହୁଣୁ କୁବୁଜା ମିଳି
କୁଜ ସଜାଡ଼ିଲେ ଶ୍ରୀବନମାଳି l
କଂସ ଦ୍ୱାରେ ଥିଲା କୁବଳ ଗଜ
ବୁଲାଇ ଫିଙ୍ଗି ଭାଙ୍ଗିଲେ ପହିଜ l
ଭଣଜା କାଣ୍ଡକୁ କଂସ ବିଚାରି
ଅଷ୍ଟମଲ୍ଲ ପେଶେ ମାରିବ ହରି l
ଚାଣୁରେ,ମୁଷ୍ଟିକେ ମାରି ପ୍ରବେଶ
ସଭାରେ ବସିଛି ନୃଶଂସ କଂସ l
ବାହାସ୍ଫୋଟ ମାରି ମହା ନାୟକ
ପାଶେ ପୂଜା ବିଜେ ଶମ୍ଭୁ ସାୟକ l
ଚକ୍ଷୁ ଫେଇ ଦେଖି ଅପୂର୍ଵ ରୂପ
କି କରିବି ଭାବେ ମଥୁରା ଭୂପ l
ଦର୍ଶନେ ମଞ୍ଚାରୁ ପଡ଼ିଲା ଟଳି
ତ୍ରାହିକର ମୋତେ ଶ୍ରୀକୃଷ୍ଣ ହଳୀ l