ଧନ(ଜନ୍ମଦିନ)

ଗର୍ଭ ସଞ୍ଚାରରୁ ଆହ୍ଲାଦିତ ହୁଏ

ଖୁସି ଦ୍ବିଗୁଣିତ ହୁଏ,

ଭୂମି ସ୍ପର୍ଶ ପରେ ପରିଚୟ ତାର

ଆଉ ଗୋଟେ ହୋଇଥାଏ।

ସ୍ମରଣୀୟ ପାଇଁ ପ୍ରତିବର୍ଷ ସେହି

ଦିନଟି ପାଳନ ହୁଏ,

ବିଭୁ ପାଦେ ମୋର ସୁଖ ଖୁସି ପାଇଁ

ମୁଣ୍ଡକୁ ସିଏ ବାଡାଏ।

ସେହି ଦିନ ନାନା ଦେବାଦେବୀ ପାଶେ

ପୂଜାର୍ଚ୍ଚନା ସିଏ କରେ,

ସୁମିଷ୍ଟ ଭୋଜନ ନବବସ୍ତ୍ରେ ମୋର

ମନକୁ ଖୁସି ସେ କରେ।

ବୁଝାଇ କହଇ ଏହି ନକ୍ଷତ୍ରରେ

ହୋଇଥିଲା ତୋର ଜନ୍ମ,

ମୋ ଥିବା ଯାଏ ପ୍ରତିବର୍ଷ ନିଶ୍ଚେ

ପାଳିବି ତୋ ଜନ୍ମଦିନ।

ଖୁସିରେ ରହ ତୁ ଧନ।