Library
Profile
ଦେଶ ବନ୍ଦନା
ଦେଶ ବନ୍ଦନା
ଧର୍ମ ଭୂମି କର୍ମ ଭୂମି ପୁଣ୍ୟ ଭୂମି ଭାରତ
କୀର୍ତ୍ତି କିରୀଟିନୀ ମାତ ଜ୍ଞାତ ବିଶ୍ୱଜଗତ |
ପବିତ୍ର ଓଁକାର ଧ୍ୱନି ଏ ଭୂମିରୁ ଧ୍ବନିତ
ବେଦମାତା ଗାୟତ୍ରୀ ସାବିତ୍ରୀ ମନ୍ତ୍ରେ ମନ୍ତ୍ରିତ |
ଜ୍ଞାନ ବିଜ୍ଞାନର ଦେଶ ମୁନି ଋଷି ସେବିତ
ସ୍ବର୍ଣ୍ଣପ୍ରସୂ ଶୌର୍ଯ୍ୟପ୍ରସୂ ବୀରପ୍ରସୂ ବିଦିତ |
ଦେବ ଲୀଳାଭୂମି ଏତ ଶୁଦ୍ଧ ପୂତ ପବିତ୍ର
ମର୍ତ୍ତ୍ୟର ଅମରାବତୀ ସର୍ବ ଶୋଭା ମଣ୍ଡିତ |
ସର୍ବ ଧର୍ମ ସୂକ୍ଷ୍ମ ମର୍ମ ପରିପୂର୍ଣ୍ଣ ଶାଶ୍ୱତ
ପଦ ସ୍ପର୍ଶ ପାଇ ହୃଷ୍ଟ ସିନ୍ଧୁ ନାଚେ ସତତ |
ବୃକ୍ଷ ଲତା ପଶୁ ପକ୍ଷୀ ଯେ ଭୂମିରେ ପୂଜିତ
ରାମ କୃଷ୍ଣ ବୁଦ୍ଧ ଜିନ ଯହିଁ ହେଲେ ଉଦିତ |
ପୂଣ୍ୟଶ୍ଳୋକ ଭରତଙ୍କ ନାମେ ଦେଶ ନାମିତ
ରସାର ସାର ସରସ ଜଗଜ୍ଜ
ନ ବନ୍ଦିତ |
ଝରେ ଯହିଁ ବାଲ୍ମୀକର କଣ୍ଠୁ ରାମ ଚରିତ
ବେଦବ୍ୟାସ ବିରଚିଲେ ଯହିଁ ମହାଭାରତ |
ତ୍ରୈଲୋକ୍ୟ ପାବିନୀ ଗଙ୍ଗା ଯେଉଁ ଦେଶେ ପ୍ଲାବିତ
ବ୍ରହ୍ମପୁତ୍ର ମହାନଦୀ ଗୋଦାବରୀ ସରିତ |
ଗିରିରାଜ ହିମାଳୟ ଯା ମସ୍ତକ ମଣ୍ଡିତ
ଚାରି ଧାମ ଶଙ୍ଖ ଚକ୍ର ଗଦା ପଦ୍ମ ଶୋଭିତ |
ଧର୍ମ ନିରପେକ୍ଷ ରାଷ୍ଟ୍ର ଶାନ୍ତି ମୈତ୍ରୀ ଧାରିତ
ବିଭିନ୍ନତା ତଳେ ଯାର ଐକ୍ୟ ଟାଣ ରାଜିତ |
ଲାଲ ବାଲ ପାଲ ଗାନ୍ଧୀ ସୁଭାଷ ପଟେଲତ
ଅଟଳ ନରେନ୍ଦ୍ର ପାଇଁ ଗର୍ବିତ ଏ ଭାରତ |
ଇନ୍ଦିରା ପ୍ରତିଭା ବୀରା ରାଣୀ ଲକ୍ଷ୍ମୀବାଇତ
ନାରୀ ଜାଗରଣେ ଯେଉଁ ଦେଶ ବିଶ୍ୱବନ୍ଦିତ |
ଜୟ ଜୟ ହିନ୍ଦୁସ୍ଥାନ ଜୟ ଆର୍ଯ୍ୟାବରତ୍ତ
ଜୟ ମା ଜନମଭୂଇଁ ଜୟ ଜୟ ଭାରତ |
