ଦେଶ ବନ୍ଦନା : ଜନମ ଦିନରୁ ଭଲପାଏ ତାକୁ -ଡକ୍ଟର କୃତ୍ତିବାସ ନାୟକ

ଜନମ ଦିନରୁ ଭଲପାଏ ତାକୁ ସେହି ମୋ ଜନମ ଭୂଇଁ,

ତା' ପାଣି ପବନ ଅମୃତ ସମାନ ସେ ସବୁ ଆମରି ପାଇଁ |(ଘୋଷା)

ତା'ର ବିଲ-ବଣ ଯେତେ ଫୁଲ-ଫଳ ବହିଯାଏ ଯେତେ ନଈ,

ତା' ର ସବୁଜିମା ସୁଷମା ମାଧୁରୀ ଯାଏ ଶୀତଳତା ଦେଇ |

ସେ ଦେଶର ଜୀବ ପଶୁ-ପକ୍ଷୀ ରାବ ଶୁଭଇ ସଂଗୀତ ହୋଇ |

ଜନମ ଦିନରୁ ଭଲପାଏ ତାକୁ ସେହି ମୋ ଜନମ ଭୂଇଁ,

ତା' ପାଣି ପବନ ଅମୃତ ସମାନ ସେ ସବୁ ଆମରି ପାଇଁ | (1)

ତା'ର ଧୂଳିକଣା ପ୍ରସାଦରେ ଗଣା ମଥାରେ ହେଉଛି ବୋଳି,

ତା' ମାନ ମହତ ଗର୍ବ ଗଉରବ ରଖିବି ରକତ ଢାଳି |

ମୋତେ ଭଲପାଏ ମୁହିଁ ଭଲପାଏ ରହିବ ସନ୍ତକ ହୋଇ |

ଜନମ ଦିନରୁ ଭଲପାଏ ତାକୁ ସେହି ମୋ ଜନମ ଭୂଇଁ,

ତା' ପାଣି ପବନ ଅମୃତ ସମାନ ସେ ସବୁ ଆମରି ପାଇଁ |(2)