ଦେଶ ବନ୍ଦନା : ଗଉରବମୟୀ ମମତାମୟୀ ଗୋ -ଡକ୍ଟର କୃତ୍ତିବାସ ନାୟକ

ଗଉରବମୟୀ ମମତାମୟୀ ଗୋ ଜନନୀ ଜନମ ଭୂଇଁ,

ଯୁଗଯୁଗ ଧରି ସାଗର ତୋହର ଚରଣକୁ ଯାଏ ଚୁମି | (ଘୋଷା)

ତୋ' କୋଳେ ଜନମି କେତେ ସୁର ବୀର, 

ଢାଳିଲେ ରକତ ଟେକି ତୋର ଶିର |

ମୁକ୍ତିର ମଶାଲ ଭକ୍ତିଫୁଲ ସିଏ ସନ୍ତାନ ଭିତରେ ମଣି |

ଗଉରବମୟୀ ମମତାମୟୀ ଗୋ ଜନନୀ ଜନମ ଭୂଇଁ,

ଯୁଗଯୁଗ ଧରି ସାଗର ତୋହର ଚରଣକୁ ଯାଏ ଚୁମି | (1)

ମଳୟ ମରୁତ ତୋର ଗୀତ ଗାଏ,

କୋଇଲିର ସୁର ମନ ମୋହି ନିଏ |

ତୋର ପୂଜା ପାଇଁ ପାଦପ ରାଜିଏ ପୁଷ୍ପକୁ ଦିଅନ୍ତି ବୁଣି |

ଗଉରବମୟୀ ମମତାମୟୀ ଗୋ ଜନନୀ ଜନମ ଭୂଇଁ,

ଯୁଗଯୁଗ ଧରି ସାଗର ତୋହର ଚରଣକୁ ଯାଏ ଚୁମି | (2)

ଜନମେ ଜନମେ ତୋ ସେବା କାରଣେ,

ମଥା ରଖିଥିବି ତୋହର ଚରଣେ |

ମୋ ସାହା ଭରସା ହୋଇ ରହିଥିବ ମାଆର ପଣତ କାନି |

ଗଉରବମୟୀ ମମତାମୟୀ ଗୋ ଜନନୀ ଜନମ ଭୂଇଁ,

ଯୁଗଯୁଗ ଧରି ସାଗର ତୋହର ଚରଣକୁ ଯାଏ ଚୁମି | (3)