ଲାଇବ୍ରେରୀ
ପ୍ରୋଫାଇଲ୍
ଦେହ
ଦେହ
1 min
163
ଦେହରେ ତୁମର କୋଟିଏ ଫଗୁଣ, ଫୁଟିଛି ଅନେକ ଫୁଲ,
ଦୁଇଟି ଆଖିରେ ଭରିଛି କୁହୁକ ପ୍ରଜାପତି ମାଳମାଳ । (ଘୋଷା)
ଓଠ ପାଖୁଡ଼ାରୁ ଛୁଟୁଛି ମହକ ଝରିପଡ଼େ ହୀରା-ମୋତି,
ରୂପ ବଗିଚାର ସ୍ୱର୍ଗ ଅପସରି ବଢାଏ ଛାତିର ତାତି ।
କବରୀରେ ତୁମ ଦେଖୁଛି କେବଳ ମେଘ ବିଜୁଳିର ଖେଳ ।
ଦେହରେ ତୁମର କୋଟିଏ ଫଗୁଣ, ଫୁଟିଛି ଅନେକ ଫୁଲ,
ଦୁଇଟି ଆଖିରେ ଭରିଛି କୁହୁକ ପ୍ରଜାପତି ମାଳମାଳ । (1)
ସାତରଙ୍ଗ ଧରି ଆସି ଇନ୍ଦ୍ରଧନୁ ଓହ୍ଳାଇଛି ତୁମ ପାଶେ,
ଆକାଶର ଜହ୍ନ ତାରାମେଳେ ବସି ସେ ରୁପକୁ ଦେଖି ହସେ ।
ରୂପସୀ କିଶୋରୀ ରୂପ ସେହିପରି ରହିଥାଉ ଚିରକାଳ ।
ଦେହରେ ତୁମର କୋଟିଏ ଫଗୁଣ, ଫୁଟିଛି ଅନେକ ଫୁଲ,
ଦୁଇଟି ଆଖିରେ ଭରିଛି କୁହୁକ ପ୍ରଜାପତି ମାଳମାଳ । (2)
