ଦେବଦାସୀ

ଚମ୍ପାଫୁଲ ତୋଳି ହାତେ ଧରିଥିଲି

ତୁମ ଅରଚନା ପାଇଁ

ପଛରେ ଭାବିଲି ଆନ କେଉଁ ଫୁଲେ

ତୁମର ଶରଧା ନାଇଁ l

ଲୋଡା ତ ତୁମର ରଞ୍ଜନ ପାଇଁ

ମୋ ଓଠ କରବୀ ରଙ୍ଗ

ଲୋଡା ତ ତୁମର ଆରାଧନା ପାଇଁ

ମୋ ହୃଦ କମଳ ରାଗ l

ସେଥିପାଇଁ ବନ୍ଧୁ ଦେବଦାସୀ ମୁଁ ଗୋ

ମନ୍ଦିରେ ମୁଦ୍ରା ରଚଇ

ଚମ୍ପାଫୁଲ ତୋଳି ହାତେ ଧରିଥିଲି

ତୁମ ଅରଚନା ପାଇଁ l

ତମକୁ ବରିଛି ଶୟନେ ସପନେ

ତମେ ମୋର ମନ ନୀଳାଚଳ ଦେବତା

ତମରି ପାଇଁକି ସଜାଇ ରଖିଛି

ପ୍ରେମ ଅନୁରାଗ ମୁକୁତା l

ଅଂଜଳି ଭରା କାମ କଳା ଫୁଲ

ତୁମ ଚରଣରେ ବନ୍ଧୁ ବାଢଇ

ଚମ୍ପାଫୁଲ ତୋଳି ହାତେ ଧରିଥିଲି

ତୁମ ଅରଚନା ପାଇଁ l