Library
Profile
ଦେବ ପୂଜା
ଦେବ ପୂଜା
କିପରି କହିବି
ମନ ର କଥା ମୁଁ
ବୁଝି କି ପାରୁନ ତୁମେ ।
ଦେବ ପୂଜା ମୋର
ସର୍ବ ପ୍ରଥମେ ଗୋ
ଦେବ ପୂଜା ରେ ମୁଁ ଭ୍ରମେ ।
ଯେବେ ମୋ ଜୀବନେ
ତୁମେ ଆସିଲ ହେ
ସବୁ ମୁହିଁ ଭୁଲି ଗଲି ।
ଜୀବନେ ଆନନ୍ଦ
ଭରି ଦିଅ ତୁମେ
ଦୂରୁ ସ୍ନେହ ଦିଅ ଢାଳି ।
ପର ବୋଲି କେବେ
କୁଣ୍ଠିତ କରିନ
ମନ ଜାଣି କଥା ଦେଲ ।
ଅଗ୍ରାଧିକାର ମୋ
ଜୀବନରେ ତୁମେ
କେବେ ଆସି ପାଇଗଲ ।
ଏତେ ଦିନେ ତୁମେ
ନିଜର ହେଲ ହେ
ମହା ଆନନ୍ଦ ତ ଦେଲ ।
କଥାରେ ତୁମର
କୁହୁକ ଅଛି କି
ଭାବିବାକୁ ମତେ ଦେଲ।
ମନକୁ ମୋହର
କିଣି ନେଇ ତୁମେ
ଅତି ଆପଣାର ହେଲ।
ସବୁ ପଛ କରି
ତୁମେ ଅଗ୍ରେ ସ୍ଥାନ
ମନରେ ତ ମୋର ଦେଲ ।
ଏତିକି ମାଗୁଣି
ତୁମଙ୍କୁ ଆଜି ହେ
ମୋର କଥା ଟିକେ ଶୁଣ ।
ଦେବ ପୂଜା ମୋର
ଆନନ୍ଦ ସାଗର
ମନା କରିବନି ପୁଣ ।
ଦେବତା ପୂଜି ବି
ତୁମେ ନ ଭୁଲିବି
ଏତିକି ମାଗୁଣି ମୋର ।
ମନ କେବେ ତୁମେ
ଉଣା କରିବନି
କୋଟି କୋଟି ନମସ୍କାର ।
