ଦେବ ଭୂମି

ବାରମାସେ ତେର ପରବ ପାଳିତ

ହେଉଥାଏ ଆମ ଭାରତ ଦେଶେ,

ପୂଜା ପାରବଣ ଲାଗି ରହିଥାଏ

ମେଳାରେ ଗାଆଁ ଓ ସହର ହସେ

ବୈଶାଖ ପହିଲା ନବ ବରଷରୁ

ଆରମ୍ଭ ହୁଅଇ ପରବ ମାନ,

ଚଇତ୍ର ମାସରେ ଶେଷର ପରବ

ଶ୍ରୀରାମ ନବମୀ ଅଟଇ ଜାଣ

ହସ ଖୁସି ନେଇ ସଭିଏଁ ଚଳନ୍ତି

ମିଶି ସଭିଏଁ ହୋଇ ଭାଇ ଭାଇ,

ସୁଖରେ ଦୁଃଖରେ ପାଖେ ଠିଆ ହୋନ୍ତି

ଆତ୍ମୀୟତା ଭାବ ମନରେ ନେଇ

ଅନ୍ୟ ଦେଶ ଠାରୁ ସପୂର୍ଣ୍ଣ ଅଲଗା

ଆମ ଦେଶ ଚଳଣୀ ପରମ୍ପରା,

ଦେବ ଭୂମି ବୋଲି ଆମ ଦେଶ ଆଜି

ପୂଜିତ ହେଉଅଛି ବିଶ୍ବ ସାରା