ଡ଼ଙ୍ଗା

ବହୁଦିନ ତଳେ ଡ଼ଙ୍ଗାର ଆଦର

ସଭିଙ୍କର ଥିଲା ଯହିଁ

ଏକୂଳର ଲୋକ ସେ କୂଳେ ଗମନ୍ତି

ଯିବା ଆସିବାର ପାଇଁ ||

ନଦୀ ପାର ହୋଇ ଅନ୍ୟ ଗ୍ରାମ ଯାଇ

ବାଣିଜ୍ୟ କରଇ ନୀତି

କିଣା ବିକ୍ରି ପାଇଁ ସୁବିଧା ହୁଅଇ

ଲକ୍ଷ ଥାଏ ତାହା ପ୍ରତି ||

ଡ଼ଙ୍ଗା ପାର ହୋଇ ମାମୁଁ ଘର ଯାଇଁ

ଆନନ୍ଦ ମନାଇ ଥାନ୍ତି

ନଦୀ ରେ ନଉକା ଭାସିଯାଏ ଏକା

ଅପୂର୍ଵ ପୁଲକ ଦ୍ୟେନ୍ତି ||

ଆଗକାଳ ଲୋକ ଅସାର ଆଲୋକ

ବାଣିଜ୍ୟ କରିବେ ବୋଲି

ସାଧବର ପୁତ୍ର ବିଦେଶରେ ସେତ

ସାଗରେ ବୋଇତ ମେଲି ||

ସ୍ବଦେଶ ର ଦ୍ରବ୍ୟ ବୋଇତେ ନେଇଣ

ବିଦେଶେ କରନ୍ତି ଯାତ୍ରା

ଦେଶର ପଦାର୍ଥ ବାହାରେ ବିକିଣ 

ହୁଏ ବିଦେଶ ଫେରନ୍ତା ||

ପୂର୍ଵ ର ସୁବିଧା ମନୁଷ୍ୟ କରିତା

ଡ଼ଙ୍ଗା ବାହି ବାହି ନିଏ

ଧୀରେ ଧୀରେ ନାବ ଗମନ କରଇ

ବିଳମ୍ବରେ ପହଞ୍ଚାଏ ||

ବର୍ତ୍ତ ମାନ ଯୁଗେ କୁଟୀର ଶିଳ୍ପର

ବେଉସା କମୀଣ ଗଲା

ଯନ୍ତ୍ର ଶିଳ୍ପ ସେହି ଆଗେଇ ଆସଇ

ବୁଢାଜାହାଜ କରିଲା ||