ଡକାଵାଲା---------------

ନାଁ ମୋର ଡକାଵାଲାଟି

ଗାଁ ଗାଁ ବୁଲି ଚିଠି ବାଣ୍ଟେଟି

ସକାଳ ପହରୁ ସୂର୍ଯ୍ୟ ଅସ୍ତ ଯାଏଁ

ମନ ଧ୍ୟାନ ଦେଇ କରେମୋ କାମ

ସ୍ୱଳ୍ପ ଦରମାରେ ଚଳେ ମୋ ପରିବାର

ସମସ୍ତଙ୍କ ପାଟିରେ ଥାଏ ମୋର ନାମ

ସମସ୍ତଙ୍କର ସୁଖ ଦୁଃଖ ବାର୍ତ୍ତାକୁ

ପହୁଞ୍ଚାଏ ସମସ୍ତଙ୍କ ନିକଟେ

ସମସ୍ତ ହୃଦୟେ ପ୍ରିୟ ପାତ୍ର ହୋଇ

ରହିଯାଏ ତାଙ୍କ ଛୋଟ ହୃଦପେ

ମନର ଦୁଃଖକୁ ମନରେ ଚାପି

ହସିଦିଏ ଦୁଃଖ ଭରା ଲୋତକ ଝରେଇ

ସ୍ୱଳ୍ପ ଦରମେ ସଂସାର ଗଭୀରେ

ଘର ଚଳାଇବା କେତେଯେ କଷଣ

ପୁଅ ଝିଅ ଙ୍କର ଅରି ଅରଦଳି

ସମସ୍ତ ବୋଝକୁ ମୁଣ୍ଡରେ ଲଦି

ଲହୁ ଲୁହାଣ ହୋଇ

ଗୋଟି ଗୋଟି ଇଛା ପୂର୍ଣ୍ଣ କରଇ

ସମସ୍ତଙ୍କ ଆଗେ ଫିକା ଫଗୁଣ ପରି

ରଙ୍ଗହୀନ ସୁଖ ବାଣ୍ଟି ଚାଲଇ

ଅଧରର ଫିକା ଗୋଲାପୀ ରଙ୍ଗେ

ହୃଦୟ କୋଣପେ ଦୁଃଖ କୁ ଥୋଇ

ଦୁଃଖଦ ସମୁଦ୍ରେ ଖୁସିର ଛାଉଣୀ

ବିଛାଇ ଦେଇ

ସମସ୍ତ ମନକୁ ମୋହିନେଇ

ହସିଦିଏ ମନ ଖୋଲିଦେଇ

ନାଁ ମୋର ଡକାଵାଲାଟି

ଗାଁ ଗାଁ ବୁଲି ଚିଠି ବାଣ୍ଟେଟି

ସମସ୍ତ ହୃଦୟେ

ସୁଖର କୁଟୀର ନିର୍ମାଣ କରେଟି