ଡିଅର ଡାଏରୀ

ରାତି ମରିଲା ବେଳେ ଜହ୍ନ କାନ୍ଦେ, ତାର ଅଳସୀ ପ୍ରେମିକାକୁ ଝୁରି ଝୁରି । 

ଯାହାକୁ ଦେଖିବାକୁ ହେଲେ, ଅପେକ୍ଷାର ଯନ୍ତ୍ରଣା ସହିବାକୁ ହବ ପୁଣି ଏକ ନୂଆ ରାତିର ଆଗମନ ପାଇଁ ।

ରାତି ମରିଲା ବେଳେ ଝରା ଫୁଲ କାନ୍ଦେ,ବାସି ଫୁଲର ନିନ୍ଦା ପାଇବାର ଅପବାଦ ନେଇ ।

ନା ଲାଗି ପାରେ କୋଉ ଠାକୁରଙ୍କ ଅଭୟ ଚରଣରେ ନା କୋଉ ଫୁଲେଇ ପ୍ରେମିକାର ମନ ଜିଣା ଗଭାରେ ।

ରାତି ମରିଲା ବେଳେ କବି କାନ୍ଦେ,କୋଉ ଅତୀତ ରାଇଜର ବେଦନାକୁ ଭାବି ।

ନିଛାଟିଆ ପରିବେଶରେ ହୃଦୟର ଅକୁହା କଥାକୁ ସୁନ୍ଦର ସଞ୍ଜିବନୀ ଦେଇ ରଚି ଚାଲେ କାଗଜ ଛାତିରେ ।