ଲାଇବ୍ରେରୀ
ପ୍ରୋଫାଇଲ୍
ଦାଦନ
ଦାଦନ
1 min
111
ଭିଟା ମାଟି ବାସ୍ନା କେଡେ ମଧୁର
ରହିବାକୁ ଇଚ୍ଛା ପ୍ରବଳ ମୋର
ପେଟ ପାଇଁ ଛାଡି ମୋ ଜନ୍ମସ୍ଥଳୀ
ଯାଉଅଛି ଠିକା କାମରେ ଚଳି
ପରିବାର ପାଇଁ
ନ ହେଲେ ହୁଏନି ଘରେ ରୋଷେଇ ।।
ଘରେ ଚାରିପ୍ରାଣୀ କୁଟୁମ୍ବ ମୋର
ବୁଢା ବାପା ,ମା'ର ଔଷଧ ଦର
ପିଲାମାନଙ୍କର ପଢିବା ଖର୍ଚ୍ଚ
ମୋ ଉପରେ ସବୁ ହୋଇଛି ନ୍ୟସ୍ତ
ଖଟୁଛି ସେ ପାଇଁ
ଦାଦନ ରୂପରେ ବାହାରେ ଯାଇ ।।
କର୍ମ କରିବାରେ ନାହିଁ ମୋ ଦୁଃଖ
ପ୍ରରିଶ୍ରମ କରି ସାଉଁଟେ ସୁଖ
ଦେଶକୁ ଆଗେଇ ନେବାରେ ମୋର
ମନ ବଳୁଅଛି ପରିଶ୍ରମର
ହେୟ ଜ୍ଞାନ ମୋତେ
କର ନାହିଁ କେବେ ଏହି ଜଗତେ ।।
