ଚଉପଦୀ -ଜୟ ଗୋକୁଳ ମଙ୍ଗଳ ମଧୁହାରି

କବି - ଗୌରହରି ପରିଚ୍ଛା

ରାଗ -କଲ୍ୟାଣ ତାଳ - ଆଦିତାଳ

ଜୟ ଗୋକୁଳ ମଙ୍ଗଳ ମଧୁହାରି ।

ରାସ ରସିକ ବର କୁଞ୍ଜବିହାରୀ । ପଦ ।

କୋଟି ମଦନ ଜିତ ସୁନ୍ଦର ବିଗ୍ରହ ।

କୁଞ୍ଚିତ କେଶ ପୀତପଟ ଧାରି । ୧ ।

ଧ୍ୱଜ ବଜ୍ରାଙ୍କୁଶ ରାଜିତ ପଦ ଯୁଗ ।

ଉପଳୋଦ୍ଧାରିତ ଗୌତମ ନାରୀ । ୨ ।

ସ୍ଥୂଳ ମୌକ୍ତିକ ମଞ୍ଜୁଳ ଉରସ୍ଥଳ ।

ଅଙ୍ଗଦ ବାହୁ ଯୁଗ୍ମ ମନୋହାରି । ୩ ।

ଗଣ୍ଡ ଯୁଗ ମକର କୁଣ୍ଡଳେ ମଣ୍ଡିତ ।

ପୁଣ୍ଡରୀକ ଦୃଶ ଷଣ୍ଢ ବିହାରି । ୪ ।

କଦମ୍ବ ତରୁତଳ ଲମ୍ପଟ ନଟବର ।

ବଟ ପୁଟ ଶାୟି ଦୃଷ୍ଟ ଦନୁଜାରି । ୫ ।

ଗୌରହରି କୃତ କୀର୍ତ୍ତନ ତୋଷିତ ।

କରୁଣା ଜଳନିଧି ପତିତୋଦ୍ଧାରି । ୬ ।