ଲାଇବ୍ରେରୀ
ପ୍ରୋଫାଇଲ୍
ଚଉପଦୀ (72)
ଚଉପଦୀ (72)
1 min
362
ରାଗ ମୁଖାବରୀ ଏକତାଳି
ଚଉପଦୀ
ଦୟାବତୀକି, କରଧରି ମୁଁ ମାଗୁଛି ଏତିକି
ବେଗେନେଇ ତୋର ପାଖରେ ହାଜର
କର ମୋତେ ଆଜି ରାତିକି (ଘୋଷା)
ନଦେଖି ଦୁଃଖିତ ମୋ ନେତ୍ର ଚକୋର
ତୋ ଶ୍ରୀମୁଖ ନିଶାପତିକି
ପଞ୍ଚଦଶ ତିଥି ଏକାବେଳେ ଥିଲା
ହେବାକୁ କି ନିତି ନିତିକି (1)
ବିଚାରେ ହେମବରନାର ରତନେ
ନିର୍ମିତ ଥାଇ ମୂରତିକି
କୃପଣ ହେବାକୁ ମୁଁ ମାର୍ଗଣ ନୁହେଁ
ଦେଖାକୁ ନକର ଭୀତିକି (2)
ମୋ ଛାର ନିନ୍ଦାକୁ ବିଚାରକି ତୋର
ଜାଣିଲେ ଜନେ ଏ ରୀତିକି
କି ବୋଲିବେ କହ ଦାନୀବର ବୋଲି
ଟେକାଇ ଅଛୁ ଯେ ଛତିକି (3)
ହରିକୁ ଚନ୍ଦ୍ରମା ଧରିଲା ପରାୟେ
ବ୍ୟାକୁଳ କରିଛି ମତିକି
ଏହି ଘେନି ସିନା ଜଣାକରୁ ଅଛି
ଅଷ୍ଟଦୁର୍ଗ ନରପତି କି (4)
