ଲାଇବ୍ରେରୀ
ପ୍ରୋଫାଇଲ୍
ଚଉପଦୀ (121)
ଚଉପଦୀ (121)
1 min
359
ଚଉପଦୀ
(121)
ରାଗ ଭୈରବୀ ଆଡତାଳି
ମଦନ ମୁକୁରନିଭ ବଦନ ଭଲାରେ (ଘୋଷା)
ମୋ ଧନର ହୀରାପରି,ପଦନ ଖର ମାଧୁରୀ
ରଦନରେ କୁନ୍ଦଶୀରି ସଦନ କଲା ରେ (1)
ଭଜ କମନୀୟ ଗିରି, ସୂଚକ ପୀବର ଭାରି
କୁଚ କଳସରୁ ହାରି ରୁଚକ ଗଲା ରେ (2)
ଖ ଲୋକର ଆଉ କାହିଁ ପଲକ ପଡିଲା ନାହିଁ
ଭଲକରିଦେଲେ ଚାହିଁ ଝଲକ ଝୁଲାରେ (3)
ହସାର ସାକ୍ଷୀ ପୀୟୁଷ, ଆଶାର ସାର ସଦୃଶ
ଭାଷାରସାରମ୍ଭେ ହସ ନାସିକା ଫୁଲାରେ (4)
ଅଷ୍ଟଦୁର୍ଗ ନାଥ ଭାଷେ, ଇଷ୍ଟଦେବଙ୍କ ସନ୍ତୋଷେ
ଦୁଷ୍ଟତର ମୋହର ସେ କଷ୍ଟ ସରିଲା ରେ (5)
କବିସୂର୍ଯ୍ୟ ବଳଦେବ ରଥ
