ଚନ୍ଦ୍ରଯାନ

ତିନି ତିନି ଥର ଚନ୍ଦ୍ରଯାନଟି,

ଜହ୍ନକୁ ପ୍ରେରିଣ ଭାରତ ମାଟି ।

ଇସ୍ରୋ ଆଣୁଅଛି ଗର୍ବ ଗୌରବ,

ପ୍ରଥମ ଧାଡ଼ିରେ ଆମ ବୈଭବ ।

ଇତିହାସ ରଚି ଜଗତେ ଆମେ,

ବିଶ୍ବରେ ରହିଲୁ ଚତୁର୍ଥ ସ୍ଥାନେ ।

ଚନ୍ଦ୍ରଯାନ ଏକ ପ୍ରେରଣ କଲୁ,

ଚନ୍ଦ୍ରରେ ଜଳର ସନ୍ଧାନ ଦେଲୁ ।

କଠିନ ଭାବରେ ଅବତରଣ,

କମ ସଫଳତା ତାର କାରଣ ।

ଫଟୋ ପଠାଇଲା ସେହି ଯାନଟି,

ଜଗତ ଜାଣିଲା ଜଳର ସ୍ଥିତି ।

ଚନ୍ଦ୍ରଯାନ ଦୁଇ ଇସ୍ରୋ ପଠାଇ

ଅବତରଣରେ ନ ହେଲା ନାହିଁ ।

ଯନ୍ତ୍ରାଂଶରେ ଥିଲା ସାମାନ୍ୟ ତ୍ରୁଟି,

ଚନ୍ଦ୍ରପୃଷ୍ଠରେ ସେ ହୋଇଲା ପିଟି ।

ସେହି ସ୍ଥାନଟିକୁ ତ୍ରିରଙ୍ଗା କ୍ଷେତ୍ର,

ଦେଶ ନାମ ଦେଲା ଜଣା ସର୍ବତ୍ର ।

ଚନ୍ଦ୍ରଯାନ ତିନି ଜୁଲାଇ ମାସେ,

ପଠାଇଲା ଇସ୍ରୋ ବଡ଼ ସାହସେ ।

କୋମଳ ଭାବରେ ଅବତରଣ,

ସଫଳ ହେଲୁ ଯେ ଦୁନିଆଁ ଜାଣ ।

ବିଶ୍ବରେ ପାଇଲୁ ପ୍ରଥମ ସ୍ଥାନ,

ଦକ୍ଷିଣ ପୃଷ୍ଠରେ ଅବତରଣ ।

ସଫଳ ଭାବରେ ବିକ୍ରମ ଆମ,

ପ୍ରଜ୍ଞାନ ସାଥିରେ କରୁଛି କାମ ।

ଓହ୍ଲାଇବା ସ୍ଥାନକୁ ଶିବ ଶକ୍ତି,

ନାମ ଦେଲା ଦେଶ ପ୍ରେମ ଓ ଭକ୍ତି ।

ସୂର୍ଯ୍ୟ, ଶୁକ୍ର ପାଇଁ ଯାନ ପ୍ରସ୍ତୁତି,

କରୁଅଛି ଇସ୍ରୋ କରିବ ଗତି ।