ଚିଠିରେ ପ୍ରେମ

ମୁଁ ଜାଣିଥିଲି ତମେ ମୋତେ ଭଲ ପାଅ

ତୁମେ ବି ଜାଣିଥିଲ ମୁଁ ତୁମକୁ ଭଲ ପାଏ

ହେଲେ ଭାଗ୍ୟ ଆମକୁ କଥା ହେବାକୁ ଦିଏନା

ଅତି ପାଖାପାଖି ଥିଲେ ସୁଦ୍ଧା ଦୁହେଁ ଦୁହିଁଙ୍କର ॥

ଶେଷରେ ଉପାୟ ନ ଥାଇ ଆରମ୍ଭ କଲ ଚିଠି

ସେ ଚିଠିର ମଜା ଖୁସି କିଛି ଥିଲା ନିଆରା

କିନ୍ତୁ ଭୟରେ ଲାଜରେ ସେ ଚିଠି ଚିରିଦେଇଛି

କିନ୍ତୁ ସ୍ମୃତି ତାର ଆଜି ବି ମୋ ସାହାରା ॥

ତୁମେ ଭାରି ଲାଜୁଆ ଆଉ ଡରକୁରା ଥିଲ

ହେଲେ ମୁଁ କାହାକୁ ଖାତିର କରୁନଥିଲି

କେବଳ ସେ ଚିଠିର ସତସାହାସରେ ମୁଁ

ସବୁ କରିପାରିବି ବୋଲି ଭାବିସାରିଥିଲି ॥

ସେ ଚିଠି ଥୋଇବାକୁ ଗୁପ୍ତ ସ୍ଥାନ ଯଦି ଥାନ୍ତା

ହୁଏତ ଆଜିବି ତାହା ମୋ ପାଖେ ହିଁ ରହନ୍ତା

କିନ୍ତୁ ସେ ପ୍ରେମର ବୟସ ଆଉ ସମୟ ବି

ହୁଏତ ସମସ୍ତଙ୍କୁ ଡରିଯାଇଥିଲେ ସମ୍ପୂର୍ଣ୍ଣ ॥