ଚିଠି

ଆମ୍ବ ବଉଳରେ ଚିଠି

ମଳୟ ଦେଉଛି ବାଣ୍ଟି

ଫଗୁଣ ଆସେ ଫିଟେଇ କଟି

ସ୍ମୃତି ମନେ ପଡେ ଗୋଟି ଗୋଟି

ଚିତ୍ର ଚୈତ୍ର ଛାଟି

ଶୀତ ଗଲାଣି ଫିଟି

ଜେଜେ ଖରାକୁ ଦେଖାଇ ପିଠି

ଜେଜିମା ନଈ ତୁଠେ ଘଷି ଗୋଇଠି

ରଖିଛି ବେସର ବାଟି

ମାଛ ବେସରରେ ଆମ୍ଭ କାଟି

ପାଖାଳେ ଆମ୍ବ ଲସି ଫେଣ୍ଟି

ଖାଇବ ବସି ଜେଜେଙ୍କୁ ଦେଇ ପଟି

ଜେଜେ ଘସୁଥାନ୍ତୁ ଖରାରେ ପିଠି

ଫଗୁଣ ହସୁଛି ଆଖିରେ ଲଗାଇ ପଟି

ବିଲେଇ ନେଲାଣି ମାଛ ଗୋଟି ଗୋଟି 

ଜେଜିମା କିସ କରିବ ଧରି ଲାଠି

ବସିଛି ଫଟେଇବ ବିଲେଇର ପିଠି

ଲାଠିରେ ଦେବ ପିଟି

ଜେଜେ ଆଣିଦେଲେ ମହୁରାଡି ପେଟି

ଜେଜିମା ହସେ ପାକୁଳି ପାଟି

ଲୁଚେଇବନି ଜେଜେଙ୍କୁ ଦେବ ବାଣ୍ଟି

ଜେଜେ ଓ ଜେଜେମା ଦୁଇପ୍ରାଣୀ ଗୋଟି

ଜଣେ ଥାଳ ଜଣେ କୂଳ କହେ ଫଗୁଣ ଲୋଟି

ବିଲେଇ ବିଚରା ରକ୍ଷା ପାଇ ଗଲା ଫିଟି

ଜେଜିମା ହସେ ମେଲି ପାକୁଆ ପାଟି

ଜେଜେ କହନ୍ତି ତୁ ମୋ ଏକାନ୍ତ ସାଥି ଗୋଟି

ଫଗୁଣ ଆସୁଛି ଦେଵି ବଉଳପାଟ ଭେଟି

ଫୁଲ ଫଗୁଣରେ କନିଆଁ ସାଜିବୁ ଫିଟି

ହାତକୁ ଦେବୁନି ଛାଟି

ମାଟିରୁ ଆସିଛେ ଶେଷକୁ ମୁଠିଏ ମାଟି

ଫଗୁଣ ଫେରିଛି ମନ ଫୁଲ ଯାଉ ଫୁଟି