ଲାଇବ୍ରେରୀ
ପ୍ରୋଫାଇଲ୍
ଚିଠି ରଙ୍ଗ
ଚିଠି ରଙ୍ଗ
1 min
186
ଶ୍ରାବଣ କୁ ଲେଖିଥିଲି ଶ୍ରାବଣୀ ହସ୍ତେ ଚିଠିଟେ
ଲଫାପା ଥିଲା ସତେ ବାଘନିସହନାଲା ପ୍ରଜାପତିଟେ
ମଳୟକୁ ଦେଇଥିଲି ମାଳବିକା ପତ୍ର ଗୋଟେ
ନାଲି ନାଲି ରଙ୍ଗ ଖାଲି ସତେ ଇନ୍ଦ୍ରଧନୁଟେ
ଫଗୁଣକୁ ଡାକିଥିଲି ଆଙ୍କିଦେବୁ ଚିତ୍ର ପଟଟେ
ସାତ ରଙ୍ଗ ମାଖି ହୋଇଥିବ ସତେ ଛବି ବହିଟେ
ଶରତକୁ କହିଥିଲି କାଶତଣ୍ଡି ଫୁଲ ଓଠେ
ଭରିଦେବୁ ସୁନେଲି ରଙ୍ଗ ଦିଶୁଥିବ ନବବଧୂଟେ
ହେମନ୍ତକୁ ମାଗିଥିଲି ଦେବୁ ଶିଶିର ଟୋପେ
ସାତ ରଙ୍ଗ ଭରିଦେବି ତା ସିନ୍ଥି ଚାରିପଟେ
ବସନ୍ତକୁ କହିଥିଲି ହଳଦୀ ବସନ୍ତ ଚଢ଼େଇଟେ
ସିଏ ମୋର ଭାରି ପ୍ରିୟ ମତେ ଦେବୁ ସେଥିରୁ ଗୋଟେ
ମରତ ରେ ଏତେ ରଙ୍ଗ ଥାଉ ଥାଉ ମାଗୁ କାହିଁକି ଗୋଟେ
ଆଞ୍ଜୁଳାଏ ଅଞ୍ଜଳିରେ ଫୁଲରେ ଲେଖିଦେ ଓଁ ଗୋଟେ
ସାତଋତୁ ସାତରଙ୍ଗ ସାତ ପାଖୁଡ଼ା
ଫୁଲହୋଇ ଫୁଟିବ ଚାରିପଟେ
କୋଉ ଫୁଲ ତୋଳିବୁ ଭବୁଥିବୁ ଦେଖି ଏପଟେ ସେପଟେ
ସାତ ରଙ୍ଗ ସ୍ୱର ଭରି ଆସେ ଯେବେ ଫୋନଟେ
ସବୁ ଋତୁ ଫିକା ଫିକା ଲାଗେ ବି ଏକା ଏକା,
ପରି ହଳଦୀ କାଠୁଆଟେ ।
